ఎన్టీఆర్ బయోపిక్ రెండు భాగాలుగా తెలుగు ప్రేక్షకులను అలరించడానికి సిద్ధం అవుతుంది. తెలుగు తెర కథానాయకుడు, రాజకీయ మహా నాయకుడు అయిన నందమూరి తారక రామారావు పాత్రలో నటసింహం నందమూరి బాలకృష్ణ నటిస్తున్నారు.
తొలుత ఈ సినిమాకి దర్శకుడు వైదొలగడం చేత అడ్డంకులు ఏర్పడగా, డైరెక్టర్ క్రిష్ ఈ బయోపిక్ యొక్క దర్శకత్వ బాధ్యతలు చేప్పట్టిన తరువాత సినిమాపై అంచనాలు తారాస్థాయి ని చేరుకున్నాయి. ఈ సినిమా ప్రచారానికి అనుసరిస్తున్న విధానం మహానటి సినిమాకి జరిగిన ప్రచార వ్యూహాలని గుర్తుచేస్తుండడం గమనించవలసిన విషయం. ఇప్పటికే నారా చంద్రబాబు నాయుడుగా రానా, అక్కినేని నాగేశ్వరరావు గా సుమంత్, హరికృష్ణ గా కళ్యాణ్ రామ్ ల ఫస్ట్ లుక్ పోస్టర్లని విడుదల చేసి, ఈ సినిమా పై ప్రేక్షకుల్లో ఆసక్తిని రేకెత్తించారు.
తాజాగా ఎన్టీఆర్ బయోపిక్ నుండి సావిత్రి పాత్ర ఫస్ట్ లుక్ పోస్టర్ ని విడుదల చేశారు. ఈ పోస్టర్ విషయానికి వస్తే, నిత్య మీనన్ సావిత్రి పాత్రల్లో కనిపిస్తున్న విధం, గుండమ్మ కథ సినిమాలోని “లేచింది నిద్ర లేచింది మహిళ లోకం” పాటలోని సన్నివేశాన్ని గుర్తుకు చేస్తుంది. ఈ పాట ని మరల ఈ బయోపిక్ లో వాడుకున్నారని ఈ పోస్టర్ ని చూస్తే ఇట్టే తెలుస్తుంది. ఏదేమైనా, నిత్య మీనన్ గుండమ్మ కథ సినిమాలో కాస్త లావుగా కనిపించే సావిత్రి ని తన లుక్స్ తో పర్ఫెక్ట్ గా మ్యాచ్ చేసిందని చెప్పొచ్చు.
