దేశీ దిగ్గజ బ్యాంక్ స్టేట్ బ్యాంక్ ఆఫ్ ఇండియా SBI అనుబంధ సంస్థ ఎస్‌బీఐ కార్డు కొత్త క్రెడిట్ కార్డును మార్కెట్‌లోకి తీసుకువచ్చింది. దీని కోసం ఫ్యూయెల్ రిటైలర్ బీపీసీఎల్‌తో ఎస్‌బీఐ జతకట్టింది. కస్టమర్ల కోసం కొత్త కోబ్రాండెడ్ క్రెడిట్ కార్డులను ఆవిష్కరించింది.
బీపీసీఎల్ ఎస్‌బీఐ కోబ్రాండెడ్ కార్డ్ అనేది రూపే కాంటాక్ట్‌లెస్ క్రెడిట్ కార్డు. ఈ కార్డు తీసుకోవడం వల్ల ఫ్యూయెల్ సేవింగ్స్‌తోపాటు రివార్డు పాయింట్లు ఇతర బెనిఫిట్స్ పొందొచ్చు. బీపీసీఎల్ పెట్రోల్ బంకుల్లో ఖర్చు చేసే ప్రతి రూ.100కు 13 రెట్లు రివార్డు పాయింట్లు, 1 శాతం ఫ్యూయెల్ సర్‌చార్జ్ మినహాయింపు లభిస్తుంది.
గ్రాసరీ, డిపార్ట్‌మెంటల్ స్టోర్స్, డైనింగ్, మూవీస్ వంటి వాటిపై కూడా డబ్బులు ఆదా చేసుకోవచ్చు. ప్రతి రూ.100 ఖర్చుపై 5 రెట్లు రివార్డు పాయింట్లు పొందొచ్చు. ఇంకా యాక్టివేషన్ బోనస్ కింద రూ.2 వేల రివార్డు పాయింట్లు వస్తాయి. కార్డు జాయినింగ్ ఫీజు రూ.500.