తన ప్రత్యేకమైన గాత్రంతో కోట్లాది మందిని ఆకట్టుకున్న జానపద గాయని Mangli (సత్యవతి) ఇప్పుడు తీవ్రమైన సంక్షోభంలో ఉన్నారని టాలీవుడ్లో చర్చ నడుస్తోంది. వివాదాలు మంగ్లీకి కొత్తకాదు గానీ, ఈసారి ఎదురైన సమస్య మాత్రం పూర్తిగా భిన్నమని చెప్పాలి.
తాజాగా వెలుగులోకి వచ్చిన భారీ ఆర్థిక కుంభకోణం ఆమె పేరును కుదిపేస్తోంది. “ఈ వ్యవహారంతో నాకు ఎలాంటి సంబంధం లేదు. సంబంధం నిరూపితమైతే శిక్షకు సిద్ధం” అంటూ మంగ్లీ బహిరంగంగా సవాలు విసిరినప్పటికీ, ఇటీవల బయటపడిన ఆమె సోదరుడి బ్యాంక్ లావాదేవీలు కేసును అనూహ్య మలుపు తిప్పాయి.
ఈ స్కామ్లో ప్రధాన నిందితుడిగా ఉన్న Ramavath Madhu నుంచి మంగ్లీ సోదరుడు Shiva Chauhan ఖాతాకు మూడు విడతలుగా భారీ మొత్తాలు బదిలీ అయినట్లు ప్రాథమిక విచారణలో పోలీసులు గుర్తించారు. ఇందుకు సంబంధించిన ఆధారాలు బలంగా ఉన్నాయని సమాచారం. దీంతో మంగ్లీ కుటుంబం మొత్తం ఒత్తిడిలో పడినట్టేనని అంటున్నారు.
ఈ కేసులో ఇప్పటికే రామావత్ మధు బ్యాంక్ ఖాతాలను అధికారులు సీజ్ చేశారు. ఆ లావాదేవీలు వ్యాపార సంబంధమైనవా, లేక స్కామ్కు సంబంధించిన నిధులేనా అన్న కోణంలో దర్యాప్తు కొనసాగుతోంది.
త్వరలో మంగ్లీ తమ్ముడితో పాటు మంగ్లీని కూడా విచారణకు పిలిచే అవకాశముందని సమాచారం. ఆ తర్వాత పరిస్థితులను బట్టి మంగ్లీ, శివ చౌహాన్లపై అరెస్ట్ చర్యలు ఉండొచ్చన్న అభిప్రాయాలు కూడా వినిపిస్తున్నాయి. ఈ వ్యవహారం ఎటు దారితీస్తుందో వేచి చూడాల్సిందే.