తెలుగు సినిమా వర్గాల్లో, సోషల్ మీడియా హ్యాండిల్స్లో ప్రస్తుతం ఓ వీడియో హాట్ టాపిక్గా మారింది. పెద్దగా వివాదాలకు దూరంగా ఉండే కమెడియన్, క్యారెక్టర్ ఆర్టిస్ట్ గెటప్ శ్రీను మరియు కాంట్రవర్శీలకు కేరాఫ్ అడ్రస్గా పేరున్న మాజీ న్యూస్ రీడర్, యాంకర్, రిపోర్టర్, ప్రస్తుతం ఆర్టిస్ట్గా కొనసాగుతున్న జాఫర్ మధ్య జరిగిన చిన్న చర్చే దీనికి కారణం.
ఒక ఇంటర్వ్యూలో ఇద్దరూ సరదాగా మాట్లాడుతుండగా, తన కొత్త ప్రాజెక్ట్ గురించి గెటప్ శ్రీను ఓ అప్డేట్ ఇచ్చారు. అదే ఇప్పుడు వివాదాస్పదంగా మారింది. టాలీవుడ్లో ఎన్నేళ్లుగా బయటకు పెద్దగా కనిపించని కానీ లోలోపల నడుస్తూనే ఉన్న ఒక అంశం ఉంది. అదే వర్గాల మధ్య ఉన్న పోటీ. చాలామంది అంగీకరించకపోయినా, ఇండస్ట్రీలో ఇలాంటి చర్చలు అప్పుడప్పుడు వినిపిస్తుంటాయి.
ఇక వీడియోలో జాఫర్ కొత్త ప్రాజెక్ట్ ఏంటని ప్రశ్నించగా, గెటప్ శ్రీను “మేం కాపులం” అని సమాధానం ఇస్తారు. దీనిపై వెంటనే జాఫర్ “కాస్ట్ పేరు మీద సినిమాలేంటి?” అంటూ కౌంటర్ వేయడం వీడియోలో స్పష్టంగా కనిపిస్తుంది. ఇదే ఇప్పుడు చర్చలకు దారి తీసింది.
అయితే ఈ వీడియో ప్రారంభంలోనే గెటప్ శ్రీను, నాగబాబు కలిసి ఓ వెబ్సిరీస్ చేయబోతున్నామని చెప్పారు. కథ, కాన్సెప్ట్ గురించి మాత్రం వివరాలు వెల్లడించలేదు. కానీ ‘మేం కాపులం’ అనే టైటిల్ చెప్పగానే ఇది రాజకీయ కోణం ఉన్న ప్రాజెక్ట్ అయి ఉండొచ్చా? అనే అనుమానాలు మొదలయ్యాయి. టైటిల్లో ప్రస్తావించిన వర్గం, నాగబాబు నేపథ్యం ఒకటే కావడంతో ఆ డౌట్ మరింత బలపడింది.
ఇక అసలు ప్రశ్న ఏంటంటే… ఈ వీడియో నిజంగానే అనుకోకుండా బయటకు వచ్చిందా? లేక ఏదైనా సినిమా లేదా వెబ్సిరీస్ ప్రమోషన్లో భాగమా? అన్నది. ఈ విషయంపై త్వరలోనే అధికారిక క్లారిటీ వచ్చే అవకాశం ఉందని టాలీవుడ్ వర్గాలు అంటున్నాయి. అప్పటివరకు ‘మేం కాపులం’ టైటిల్ మాత్రం చర్చల మంటను రెచ్చగొడుతూనే ఉంటుంది.