ఆంధ్రప్రదేశ్ రాష్ట్ర ప్రధాన ప్రతిపక్ష తెలుగుదేశం పార్టీ జాతీయ కార్యదర్శి నారా లోకేష్ కి రాష్ట్ర ప్రభుత్వం షాకిచ్చింది. కాగా నారా లోకేష్ కి ఇప్పటి వరకు కూడా వై ప్లస్ భద్రత ఉందని తెలుస్తుంది. కాగా ఆ భద్రతని తగ్గిస్తూ రాష్ట్ర ప్రభుత్వం సంచలనమైన నిర్ణయాన్ని తీసుకుంది. అయితే ఇదివరకు వై ప్లస్ కేటగిరీ కింద ఇప్పటి వరకు కూడా నారా లోకేశ్ కు 2 ప్లస్ 2 భద్రత ఉండేది. కాగా రాష్ట్ర ప్రభుత్వం తీసుకున్న తాజా నిర్ణయం ప్రకారం ఆ భద్రత 1 ప్లస్ 1కు తగ్గిపోనుంది. ఇకపోతే గతంలో టీడీపీ ప్రభుత్వ హయాంలో నారా లోకేశ్ భద్రత 4 ప్లస్ 4 గా రక్షణగా ఉండేది. కాగా గతంలో ఉత్తరాంధ్ర కి సంబందించిన ఎమ్మెల్యే ను మావోలు చంపేయడంతో నారా లోకేష్ కి ఆ సమయంలో జెడ్ కేటగిరీ భద్రత కల్పించారు. కానీ రాష్ట్రంలో వైసీపీ పార్టీ అధికారంలోకి వచ్చాక నారా లోకేష్ కి అప్పటి వరకు ఉన్నటువంటిఉన్నటువంటి భద్రతను 2 ప్లస్ 2 కి తగ్గించారు. ఇప్పుడు ఇక చివరికి ఆ భద్రతని కూడా తగ్గిస్తూ రాష్ట్ర ప్రభుత్వం నిర్ణయం తీసుకుంది.