సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ తెరకెక్కిస్తున్న లేటెస్ట్ సినిమా గుంటూరు కారం. ఈ సినిమా లో మహేష్ బాబు మంచి మాస్ రోల్ చేస్తుండగా హీరోయిన్స్ గా శ్రీలీల, మీనాక్షి చౌదరి నటిస్తున్నారు. ప్రారంభం నాటి నుండి ఈ సినిమా పై సూపర్ స్టార్ మహేష్ బాబు ఫ్యాన్స్ తో పాటు నార్మల్ ఆడియన్స్ లో కూడా భారీ స్థాయి అంచనాలు కూడా ఉన్నాయి. హారికా హాసిని క్రియేషన్స్ సంస్థ గ్రాండ్ లెవెల్లో నిర్మిస్తున్న ఈ సినిమా కి థమన్ సంగీతం అందిస్తుండగా సూర్యదేవర రాధాకృష్ణ నిర్మాతగా వ్యవహరిస్తున్నాడు .
ప్రస్తుతం వేగంగా షూటింగ్ జరుపుకుంటున్న ఈ మూవీ గురించి లేటెస్ట్ గా ఒక ఇంట్రెస్టింగ్ న్యూస్ అయితే వైరల్ అవుతోంది. దాని ప్రకారం ఈ మూవీలో మహేష్ బాబు తెల్ల షర్ట్ తెల్ల పంచె ధరించి పూర్తి ట్రెడిషనల్ లో కొన్ని క్షణాలు కనిపించనున్నారని, దానికి సంబంధించి తాజాగా లుక్ టెస్ట్ కూడా జరిగినట్లు చెప్తున్నారు. అయితే ఈ లుక్ ఏదైనా సాంగ్ లేక సీన్ లో వస్తుందా అనేది మాత్రం తెలియట్లేదు . మొత్తంగా సూపర్ స్టార్ ఫ్యాన్స్ కి ఫుల్ కిక్ ఇచ్చేలా ఎంతో కేర్ తీసుకుంటూ దర్శకుడు త్రివిక్రమ్ గుంటూరు కారం మూవీని అద్భుతంగా తెరకెక్కిస్తున్నారని అంటోంది యూనిట్. కాగా ఈ సినిమా 2024 సంక్రాంతి కానుకగా జనవరి 12న ఆడియన్స్ ముందుకి రానుంది.
