Posted [relativedate] at [relativetime time_format=”H:i”]
మెగాస్టార్ చిరంజీవి అభిమానులంతా ఎప్పుడెప్పుడా అని ఆతృత‌గా ఎదురుచూస్తున్న 151వ సినిమా ఫ‌స్ట్ లుక్ రిలీజ‌యింది. మెగాస్టార్ పుట్టిన‌రోజు సంద‌ర్భంగా ప్ర‌చార చిత్రాన్ని ద‌ర్శ‌కుడు రాజ‌మౌళి విడుద‌ల చేశారు. స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి జీవిత చ‌రిత్ర ఆధారంగా తెర‌కెక్కిస్తున్న ఈ సినిమాకు సైరా న‌ర‌సింహారెడ్డి అనే టైటిల్ ఖ‌రార‌యింది. సై..సైరా న‌ర‌సింహారెడ్డి అనే నినాదాలు బ్యాక్ గ్రౌండ్ లో వినిపిస్తుండ‌గా. ఓ కోట శిఖ‌రంపై కాలిపోతున్న ఆంగ్లేయుల జాతీయ జెండా.దాని చుట్టూ బ్రిటిష్ సైనికుల శ‌వాలు…కోట బ‌య‌ట ఉయ్యాల వాడ న‌ర‌సింహారెడ్డి .
ప్ర‌చార చిత్రంలో క‌నిపిస్తున్న దృశ్యాలివే. ఫ‌స్ట్ లుక్ లో చిరంజీవి స్ప‌ష్టంగా క‌నిపించ‌లేదు. వెన‌క‌నుంచి మాత్ర‌మే క‌నిపించారు. అప్పుడే ఫ‌స్ట్ లుక్ యూ ట్యూబ్ లో హ‌ల్ చ‌ల్ చేస్తోంది. కొణిదెల ప్రొడ‌క్ష‌న్స్ ప‌తాకంపై రామ్‌చ‌ర‌ణ్ నిర్మిస్తున్న సైరా న‌ర‌సింహారెడ్డికి సురేంద‌ర్ రెడ్డి ద‌ర్శ‌క‌త్వం వ‌హిస్తున్నారు. ఇటీవ‌లే సినిమా షూటింగ్ మొద‌ల‌యింది. చిరంజీవి ప‌క్క‌న న‌టించే హీరోయిన్ ఇంకా ఫిక్స్ కాలేదు. న‌య‌న‌తారను సంప్ర‌దించాల‌ని చిత్ర యూనిట్ భావిస్తోంది. న‌య‌న‌తార ఇప్ప‌టిదాకా చిరంజీవితో న‌టించ‌లేదు. ఈ సినిమాలో సీనియ‌ర్ హీరోయిన్ తో పాటు…ఇప్ప‌టిదాకా చిరంజీవితో క‌లిసి న‌టించ‌ని వాళ్ల‌యితే.
కాంబినేష‌న్ కొత్త‌గా ఉంటుంద‌న్న ఆలోచ‌న‌లో సురేంద‌ర్ రెడ్డి ఉన్న‌ట్టు తెలుస్తోంది. ప్ర‌స్తుతం న‌య‌న్‌ బాల‌కృష్ణ, కె.ఎస్ . ర‌వికుమార్ ద‌ర్శ‌క‌త్వంలో వ‌స్తున్న ఓ చిత్రంలో న‌టిస్తున్నారు. దాంతో పాటే. సైరా న‌ర‌సింహారెడ్డికీ డేట్స్ అడ్జెస్ట్ చేస్తార‌ని ప్ర‌చారం జ‌రుగుతోంది. స్వాతంత్ర్య స‌మ‌ర‌యోధుడి జీవిత చ‌రిత్ర కావ‌టం, చిరంజీవి ఇప్ప‌టిదాకా బ‌యోపిక్స్ లో న‌టించ‌క‌పోవ‌టం, సినిమాకు చ‌రణ్ నిర్మాత‌గా వ్య‌వ‌హ‌రిస్తుండ‌టంతో ఇప్ప‌టికే సై..సైరా న‌ర‌సింహారెడ్డిపై భారీ అంచనాలు నెల‌కొన్నాయి.
మరిన్ని వార్తలు:
