బుల్లితెర చిచ్చరపిడుగు.. నిరంతరం తనదైన శైలిలో పంచులు వేస్తూ ప్రేక్షకులను ఉక్కిరిబిక్కిరి చేస్తుంటారు హైపర్ ఆది. ఆయన ఈ మధ్య పెళ్ళికి రెడీ అయ్యాడనే వార్తలు విపరీతంగా వైరల్ అవుతున్నాయి. జబర్దస్త్ కమెడియన్‌గా భారీ పాపులారిటీని సంపాదించుకున్న ఆది ఈ మధ్య సరికొత్తగా యాంకర్ అవతారం కూడా ఎత్తాడు. లేడి యాంకర్స్ కు ధీటుగా రాణిస్తున్నాడు. అలాగే.. ఆ సదరు యాంకర్ తో రెచ్చిపోయి మరీ రొమాన్స్ చేస్తున్నాడు. వెండితెరపై కూడా తనదైన శైలిలో కామెడీ పంచ్ లు వేస్తూ ప్రేక్షకుల నుంచి సూపర్ క్రేజ్ ను కొల్లగొట్టాడు.
అయితే ఈ హైపర్ ఆది పెళ్ళికొడుకు కాబోతున్నాడనే వార్త సర్కిల్ లో చక్కర్లు కొడుతుంది. జబర్దస్త్ తెరపై ఎన్నో ఎపిసోడ్స్ చేసి తనదైన పంచులేస్తూ యాంకర్ అనసూయను నానా తిప్పలు పెట్టాడు. అనసూయ- హైపర్ జోడీకి మంచి గుర్తింపు లభించింది. ఆ తర్వాత అసలు వాళ్లిద్దరూ కలిసి ఉంటేనే జనాలు నవ్వడం మొదలెట్టారు. అది కాస్తా హైపర్ ఆదికి అనసూయ అంటే ఇష్టమనే రూమర్ వినిపించింది. కానీ అప్పటికే అనసూయకు పెళ్ళై పోవడంతో ఇది అంతగా వర్కవుట్ కాలేదు.
అయితే హైపర్ ఆది ‘ఢీ’ షో స్టేజీపై యాంకరింగ్ చేయడం మొదలెట్టాడో ఓ వార్త విపరీతంగా వైరల్ అవుతోంది. అదేమంటే.. ‘ఢీ’ షోలో లేడీ యాంకర్ వర్షిణితో ఆది చేసే రొమాన్స్ కి అంతా ఫిదా అయిపోయారు. రొమాన్స్ చేయడంలో ఈజోడి మరేజోడీ సాటిరాదు అన్నట్లుగా ఉంది వీరి యవ్వారం. దీంతో వీళ్లిద్దరి అంశం హాట్ టాపిక్ మారి అసలు వీరిమధ్య ఏం నడుస్తోంది అనేది హాట్ టాపిక్ గా మారింది. ఇంకాస్త ముందుకెళ్లి.. ఇద్దరూ త్వరలోనే పెళ్లికూడా చేసుకోబోతున్నారనే వార్తలు వినిపిస్తున్నాయి. కాగ ఈ మధ్యే వీటిని వర్షిణి, హైపర్ ఆది ఇద్దరూ ఖండించారు.
ఇటువంటి పరిస్థితుల్లో హైపర్ ఆది పెళ్లి ఖాయమైందంటూ మరో వార్త తెరపైకి రావడం హాట్ టాపిక్ గా మారింది. పెద్దలు చూసిన సంబంధం వైపే హైపర్ ఆది మొగ్గుచూపాడని, తల్లిదండ్రులు చూసిన అమ్మాయినే ఆది ఓకే చేయబోతున్నాడనే టాక్ బలంగా వినిపిస్తోంది. అంతేకాకుండా ప్రకాశం జిల్లాకు చెందిన అమ్మాయితో ఇప్పటికే పెళ్లి చూపుల కార్యక్రమం కూడా అయ్యిందనే వార్తలు చక్కర్లు కొడుతున్నాయి. అంతా ఓకే అయిందని.. వచ్చే సంవత్సరం ఏప్రిల్ లో వివాహం అని కూడా టాక్ నడుస్తోంది. చూడాలి మరి ఏంటి అనేది.