బలమైన ఎమోషన్స్ కలిగిన కథ ఎవ్వరినైనా కదిలిస్తుంది అనడానికి ‘బేబి’ చిత్రమే బెస్ట్ ఎగ్జాంపుల్. ఎస్‌కేఎన్ నిర్మాణంలో మాస్ మూవీ మేకర్స్ పతాకంపై నిర్మించిన ఈ చిత్రం చాలా తక్కువ బడ్జెట్‌తో రూపొందింది. స్టార్ కాస్టింగ్ కూడా లేదు. నాలుగు సినిమాల అనుభవమున్నఆనంద్ దేరకొండ కథానాయకుడు గా . కథానాయిక తో పాటు మరో మేల్ లీడ్ క్యారెక్టర్‌ చేసిందీ కొత్త అబ్బాయే. అయినప్పటికీ బాక్సాఫీస్ కలెక్షన్లలో మాత్రం పెద్ద సినిమా రేంజ్ చూపిస్తోంది.
ప్రేక్షకులు కంటెంట్‌కు కనెక్ట్ అయితే ఆ సినిమా విజయాన్ని ఏ శక్తులు ఆపలేవన్న నిజాన్ని మరోసారి నిజం చేసింది ‘బేబి’. ఇక ఈ మూవీకి అన్ని వర్గాల నుంచి ప్రశంసలు అందుతుండగా.. తాజాగా స్టార్ డైరెక్టర్ సుకుమార్ ఈ మూవీ గురించి ప్రత్యేకంగా షేర్ చేసిన నోట్ వైరల్ అవుతోంది. డైరెక్టర్ సుకుమార్ తన పోస్టులో ఈ విధంగా రాసుకొచ్చారు. ‘ఇలాంటి అసాధారణమైన రైటింగ్ చూసి చాలా కాలమైంది.
ఇది సినిమా రచనకు సంబంధించి కచ్చితగా కొత్త ఒరవడిని, కొత్త పంథాను తీసుకొస్తుంది. ప్రతి సన్నివేశం నాకు సస్పెన్స్ థ్రిల్లర్‌లా అనిపించింది. ఒక సినిమాలోని సిట్యువేషన్స్ కూడా పాత్రల తరహాలో ఎలా కనిపించాయో చూడటం ఇదే మొదటిసారి. ఖుడోస్ సాయి రాజేష్‌’ అంటూ నమస్కారం ఎమోజీలను జత చేశారు.అదేవిధంగా ‘ఇటువంటి సంప్రదాయేతర సినిమాని నమ్మి, ధైర్యంగా నిర్మించినందుకు ఎస్‌కెఎన్, మారుతిని అభినందిస్తున్నాను.
ఇప్పటి వరకు రాయబడిన ఐకానిక్ రోల్స్‌లో వైష్ణవి ఒకటి. వైష్ణవి ఆ పాత్రను పూర్తిగా ఆకళింపు చేసుకుని మన మీదకు వదిలింది. ఆనంద్ తన పాత్రలో అతికినట్లుగా కనిపించాడు. విరాజ్ తన మార్క్ చూపించాడు. విజయ్ బుల్గానిన్ సంగీతం అందమైన దృశ్యంలా ఉంది. ఇక బాల్‌రెడ్డి సినిమాటోగ్రఫీ సినిమాకు మెలోడియస్ ట్యూన్‌లా ఉంది. గ్రాండ్ సక్సెస్ అందుకున్నందుకు బేబీ టీమ్ మొత్తానికి నా అభినందనలు’ అంటూ లాంగ్ నోట్‌ను పంచుకున్నారు సుకుమార్.అయితే, తెలుగు ఇండస్ట్రీలో క్రియేటివ్ డైరెక్టర్‌గా పేరు తెచ్చుకున్న సుకుమార్ వంటి దర్శకుడు ‘బేబి’ గురించి ఇంత గొప్పగా మాట్లాడటంతో మూవీ టీమ్ హ్యాపీగా ఫీల్ అవుతోంది.
