Posted [relativedate] at [relativetime time_format=”H:i”]
మెగా ఫ్యాన్స్‌ ఎంతో ఆసక్తిగా ఎదురు చూస్తున్న చిరంజీవి 151వ చిత్రం ఇటీవలే పూజా కార్యక్రమాలు జరుపుకుంది. చిరంజీవి ఈ చిత్రం రెగ్యులర్‌ షూటింగ్‌ కోసం రెడీ అయ్యారు. సురేందర్‌ రెడ్డి దర్శకత్వంలో రామ్‌ చరణ్‌ ఈ చిత్రాన్ని దాదాపు 125 కోట్ల బడ్జెట్‌తో నిర్మిస్తున్న విషయం తెల్సిందే. చిరంజీవి బర్త్‌డే సందర్బంగా ఈ చిత్రం టైటిల్‌ లోగోను ఆవిష్కరించేందుకు సిద్దం అవుతున్నారు. ‘మహావీర’ అనే టైటిల్‌ను ఖరారు చేసినట్లుగా వార్తలు వచ్చాయి. ఇప్పటి వరకు అధికారిక ప్రకటన అయితే రాలేదు. రేపు ఆ విషయంపై క్లారిటీ రానుంది. ఇక ఈ చిత్రాన్ని ‘బాహుబలి’ స్థాయిలో తీర్చిదిద్దేదందుకు యూనిట్‌ సభ్యులు తీవ్రంగా కృషి చేస్తున్నారు.
‘బాహుబలి’ చిత్రంలో విజువల్‌ ఎఫెక్ట్స్‌ ప్రముఖ పాత్ర పోషించిన విషయం తెల్సిందే. రాజమౌళి అద్బుతంగా విజువల్‌ ఎఫెక్ట్స్‌ను ఉపయోగించుకుని విజువల్‌ వండర్‌గా ‘బాహుబలి’ చిత్రాన్ని తీర్చిదిద్దడం జరిగింది. అందుకే చిరు 151వ చిత్రం గ్రాఫిక్స్‌ కోసం కాస్త ఎక్కువ బడ్జెట్‌ కేటాయించాలని నిర్ణయించుకున్నారు. గ్రాఫిక్స్‌ను హాలీవుడ్‌ టెక్నీషియన్స్‌తో చేయించాలని, ‘బాహుబలి’ కోసం పని చేసిన వారిని కూడా వినియోగించుకోవాలనే ఉద్దేశ్యంతో రామ్‌ చరణ్‌ మరియు సురేందర్‌ రెడ్డి ఉన్నారు. ముందు నుండే గ్రాఫిక్స్‌ కోసం పక్కాగా ప్రణాళికలు వేసుకుని ఆ విధంగా షూటింగ్‌ జరుపనున్నారు. ఈ కారణంగా చిరు 151వ చిత్రం మరో బాహుబలి స్థాయిలో ఉంటుందనే నమ్మకం కలుగుతుందని మెగా ఫ్యాన్స్‌ నమ్మకంతో ఉన్నారు.
