Posted [relativedate] at [relativetime time_format=”H:i”]

యువ హీరో నాని వరుస విజయాలతో దూసుకు పోతున్నాడు. ఇప్పటి వరకు వరుసగా 7 విజయాలను సొంతం చేసుకున్న విషయం తెల్సిందే. తాజాగా విడుదలైన ‘నిన్నుకోరి’ చిత్రం సక్సెస్‌తో నాని కెరీర్‌ మరింత పీక్స్‌కు వెళ్లింది. ప్రస్తుతం నానితో సినిమాలు నిర్మించేందుకు ప్రముఖ నిర్మాతలు కూడా క్యూ కడుతున్నారు. మినిమం గ్యారెంటీ హీరోగా పేరు తెచ్చుకున్న నాని తర్వాత రెండు సినిమాలు కన్ఫర్మ్‌ అయ్యాయి. నాని రెండు సినిమాలు కూడా సమాంతరంగా షూటింగ్‌ జరుపుకోబోతున్నాయి. నేడు ఒక్క రోజే నాని రెండు సినిమాల ప్రకటన వచ్చింది.

నాని 20వ చిత్రంగా దిల్‌రాజు నిర్మాణంలో ‘ఎంసీఏ’ అనే చిత్రం తెరకెక్కబోతుంది. శ్రీరాం వేణు దర్శకత్వంలో దిల్‌రాజు ఈ చిత్రాన్ని నిర్మించబోతున్నాడు. నాని మార్క్‌లో ఈ చిత్రం ఉండబోతున్నట్లుగా తెలుస్తోంది. ఇక ఈ సినిమాకు దేవి శ్రీ ప్రసాద్‌ సంగీతాన్ని అందించబోతున్నాడు. ఆ సినిమాతో పాటే నాని 21వ చిత్రం మేర్లపాక గాంధీ దర్శకత్వంలో తెరకెక్కబోతుంది. ఆ సినిమాకు ‘కృష్ణార్జునయుద్దం’ అనే టైటిల్‌ను ఖరారు చేశారు. ఈ టైటిల్‌తో సినిమాపై ఆసక్తిని పెంచేస్తున్నారు. ‘వెంకటాద్రి ఎక్స్‌ప్రెస్‌’, ‘ఎక్స్‌ప్రెస్‌రాజా’ చిత్రాతో ప్రేక్షకులను అలరించిన దర్శకుడు మేర్లపాక గాంధీ ఈసారి ‘కృష్ణార్జున యుద్దం’తో ప్రేక్షకుల ముందుకు రాబోతున్నాడు. ఈ రెండు సినిమాల్లో ఒకటి ఈ సంవత్సరం చివర్లో మరోటి వచ్చే సంవత్సరం ఆరంభంలో ప్రేక్షకుల ముందుకు వచ్చే అవకాశం ఉంది.

 మరిన్ని వార్తలు:

ఎట్టకేలకు క్షమాపణలు చెప్పిన తాప్సి

చరణ్‌ ఫ్యాన్‌ ‘బాలధీరుడు’ మృతి