ముఖ్యంగా నెల్లూరు, చిత్తూరు, కడప, ప్రకాశం జిల్లాల్లో కుండపోత వర్షాలు కురుస్తాయని వివరించారు. అనంతపురం, గుంటూరు- కోస్తా, కృష్ణా- కోస్తాలో భారీ వర్షాలు ఉంటాయి చెప్పారు. ఈ వర్షాల వల్ల వరద ఉద్ధృతి మరింతగా పెరిగనుంది వెల్లడించారు. ఈ మేరకు ఏపీ వెదర్‌మ్యాన్ మంగళవారం మధ్యాహ్నం వరుస ట్వీట్లు చేశారు.
అన్ని చెరువులు, నదులు, వాగులు, వంకల్లో వరద నీరు అలాగే ఉంది కాబట్టి.. ఇక ఈ వర్షం తోడైతే భారీ వరద సంభవించే అవకాశాలు ఉన్నాయని వెదర్‌మ్యాన్ పేర్కొన్నారు. కాబట్టి, అప్రమత్తంగా ఉండటం మంచిదని.. మీకు కావాల్సిన సరుకులు, ముఖ్యమైన పనులు ఉంటే ఈ నవంబర్ 26 లోపు పూర్తి చేసుకోవాలని సూచించారు. వరద నుంచి ఉపసమనం ఉండదని.. చిన్న వర్షానికే వరద వచ్చే అవకాశాలున్నాయని హెచ్చరించారు.
ఈసారి తమిళనాడు కంటే మన రాష్ట్రంలోని దక్షిణ భాగాలపైన తీవ్రమైన ప్రభావం ఉంటుంది. మిగిలిన జిల్లాలు – కర్నూలు, ఉభయ గోదావరి, విశాఖపట్నం, విజయనగరం, శ్రీకాకుళం లో మోస్తరు వర్షాలు డిసెంబర్ 4/5 దాక ఉండొచ్చని పేర్కొన్నారు.
అలాగే, ఈ మూడు రోజుల పాటు రాష్ట్ర ప్రజలు చేయాల్సిన పనులను కూడా వెదర్‌మ్యాన్ వివరించారు. ఆయన ప్రకారం చూసుకుంటే.. ఈసారి వర్షాలు మరింత ఆందోళనకరంగా మరే అవకాశం ఉన్నట్లు తెలుస్తోంది. 10 రోజులకు సరిపడా సరుకులు ఇంట్లో నిల్వ చేసుకోవాలని చెప్పడాన్ని బట్టి.. వరద తీవ్రత ఆందోళన కలిగిస్తోంది.మీ చుట్టూ ఉండే అధికారుల నంబర్లు, వారు ఎక్కడ అందుబాటులో ఉంటారో తెలుసుకోండి.
వరద తీవ్రత ఎక్కువగా ఉంటుంది కాబట్టి, పడవ అందుబాటులో ఉంచుకోవడం మంచిది.ఈ వరద సమయంలో ఎలా ఉండబోతుందో మనకు తెలియదు కాబట్టి, 10 రోజుల వరకు సరిపడ్డ సరుకులను తీసుకోవడం ఉత్తమం.మీకు దూరపు ప్రాంతంలో ఉండే బంధువులకు, స్నేహితులకు ఈ విషయం గురించి తెలియజేయండి.ఎప్పటికప్పుడు వాతావరణ సమాచారం, వరద సమాచారాన్ని తెలుసుకుంటూ ఉండండి.’’ అని ఏపీ వెదర్‌మ్యాన్ రాబోయే పెనువిపత్తు గురించి ప్రజలను అలర్ట్ చేశారు.