చాలామంది స్టార్ హీరోలు ఒకరితో ఒకరు మంచి స్నేహితులుగా ఉంటారు. వీరి కుటుంబాల్లో ఎవరి కుటుంబంలోనైనా ఎటువంటి కార్యక్రమం జరిగినా.. ఎదుటివారి ఇంట్లో కూడా మంచి జరిగినట్టు ఫీల‌వుతూ ఉంటారు. అలా ఒకరి హ్యాపీనెస్ మరొకరుతో పంచుకునే స్నేహితులలో ఎన్టీఆర్- రామ్ చరణ్ కూడా ఉంటారు. వీళ్ళిద్దరూ స్క్రీన్ పై అలా కనిపించక పోయినా చాలా సందర్భాల్లో ఒకరిపై ఒకరికి ఉన్న స్నేహభావాన్ని వ్యక్తం చేస్తారు.తాజాగా గ్లోబల్ స్టార్ రామ్ చరణ్ – ఉపాసన దంప‌తుల‌కు అమ్మాయి క్లింకార పుట్టిన సంగతి తెలిసిందే.
పెళ్లి అయిన 11 ఏళ్ల త‌ర్వాత చరణ్, ఉపాసన దంప‌తులు త‌ల్లిదండ్రులు అవ్వ‌డంతో సినీ పరిశ్రమలోని జ‌నాల నుంచి వాళ్ల‌కు శుభాకాంక్ష‌లు వెల్లువెత్తుతున్నాయి. ఇక ఆ పాప‌కి ఎన్టీఆర్ తో పాటు, ఎన్టీఆర్ కొడుకులు అభయ్, భార్గవ్ అంతా క‌లిసి ఓ ఎమోషనల్ గిఫ్ట్ పంపించారట.ఇంతకీ ఆ గిఫ్ట్ ఏంటా అనుకుంటున్నారా ? . ఎన్టీఆర్ .చరణ్, ఉపాసన, క్లింకార పేరుతో గోల్డ్ డాలర్, క్లింకారకు సంబంధించిన వస్తువులను స్పెషల్‌గా ప్యాక్ చేసి బహుమతిగా పంపించారట . అలాగే ఎన్టీఆర్ ఇద్దరి కొడుకులు అభయ్ రామ్, భార్గవ్ రామ్ వాళ్ళిద్దరూ వేసిన డ్రాయింగ్స్‌ని క్లింకారకు బహుమతిగా ఇచ్చార‌ట.
ఆ డ్రాయింగ్‌లో వీళ్ళిద్దరూ క్లీంకారని చెల్లిగా ఫీల్ అయినట్టు వేశారట. రామ్ చరణ్ – ఉపాసన కూడా ఈ బహుమతి చూసి ఎమోషనల్ ఫీలై రిప్లై ఇచ్చారని స‌మాచారం. ప్రస్తుతం ఈ వార్త వైరల్ అవడంతో ఎన్టీఆర్, రామ్ చరణ్ ఫాన్స్ హ్యాపీగా ఫీల్ అవుతున్నారు. సో క్యూట్ , వెరీ నైస్ అంటు కామెంట్స్ చేస్తున్నారు.
