ఆవు పాలు మరియు గేదె పాలు రెండిట్లో ఏది తాగాలి అనే దాని గురించి కూడా ఇప్పుడు తెలుసుకుందాం. అయితే రెండిట్లో కూడా కొన్ని లాభాలు, నష్టాలూ కూడా ఉన్నాయి వాటి కోసం మనం ఇప్పుడు తెలుసుకుందాం. మరి ఆలస్యమెందుకు దీని కోసం ఇప్పుడే పూర్తిగా చూసేయండి దీంతో మీకు ఏ పాలు తాగితే మంచిది అన్నది క్లారిటీ వస్తుంది.
పాలలో కొవ్వు పదార్ధాలు కూడా ఉంటాయి. ఆవు పాలతో పోల్చుకుంటే.. గేదె పాలలో ఎక్కువగా ఉంటుంది. అందుకనే గేదె పాలు చిక్కగా ఉంటాయి. ఆవు పాలు లో 3 నుండి 4 శాతం కొవ్వు ఉంటే గేదె పాలలో 7 నుండి 8 శాతం కొవ్వు ఉంటుంది. దీనితో జీర్ణం అవ్వడానికి కూడా ఎక్కువ సమయం పడుతుంది.
ప్రతి ఒక్కరు కూడా ఆరోగ్యంగా ఉండడానికి ఎక్కువ నీళ్లు తాగుతూ ఉండాలి. నీళ్లు కనుక మీరు ఎక్కువ తీసుకోవాలి అనుకుంటే ఆవు పాలని ప్రిఫర్ చేయండి. ఆవు పాలలో 90 శాతం నీళ్లు ఉంటాయి. ఇది డిహైడ్రేషన్ కి గురై పోకుండా హైడ్రేట్ గా ఉంచుతుంది. కానీ గేదె పాలలో అలా కుదరదు.ఇక మనం ప్రోటీన్ల విషయానికి వస్తే.. ఆవు పాలతో పోలిస్తే గేదె పాలలో 10 నుండి 11 శాతం ప్రోటీన్లు ఉంటాయి.
ప్రోటీన్ ఎక్కువగా గేదె పాలలో ఉండటం వల్ల పెద్దవాళ్ళకి గేదె పాలను ప్రిఫర్ చేయడం మంచిది కాదు.ఇక కొలెస్ట్రాల్ విషయంలోకి వస్తే… రెండు పాలల్లో కూడా కొలెస్ట్రాల్ లెవెల్స్ కూడా వేరేగా ఉన్నాయి. గేదె పాలలో కొలెస్ట్రాల్ లెవెల్స్ తక్కువగా ఉంటాయి. దీనితో పిసిఒడి, హైపర్ టెన్షన్, కిడ్నీ సమస్యలు, ఒబిసిటీ వంటి అనారోగ్య సమస్యలతో బాధపడే వాళ్లకీ మంచిది. కాబట్టి దీనిని కూడా గమనించి పాలను తీసుకోవడం మంచిది.
ఇక మనం ఈ రెండు పాలల్లో దేనిలో క్యాలరీలు ఎక్కువగా ఉంటాయి. దేనిలో క్యాలరీలు తక్కువగా ఉంటాయి అనే విషయానికి వస్తే.. గేదె పాలలో క్యాలరీలు సమృద్దిగా ఉంటాయి ఎందుకంటే గేదె పాలలో కొవ్వుపదార్ధాలు మరియు ప్రోటీన్స్ ఎక్కువగా ఉంటాయి. ఒక కప్పు గేదె పాలలో 237 కేలరీలు ఉంటాయి. అదే ఒక కప్పు ఆవు పాలలో 148 కేలరీలు ఉంటాయి.
గేదె పాలను ఎక్కువ కాలం ప్రిజర్వ్ చేయడానికి అవుతుంది. దీనికి గల కారణం ఏమిటంటే గేదె పాలలో హై పెరోక్సిడైజ్ యాక్టివిటీ ఉంటుంది అంటే ఇది ఒక ఎంజైమ్ లాంటిది. అదే ఆవు పాలని ఎక్కువ కాలం వుంచలేము. వాటిని ఒకటి లేదా రెండు రోజులలో తాగేయాలి.
ఈ రెండు పాలు కూడా చూడడానికి వివిధ రంగుల్లో ఉంటాయి. గేదె పాలు వైట్ క్రీమ్ కలర్‌లో ఉంటే ఆవు పాలు కాస్త ఎల్లోయిష్ గా ఉంటాయి. గేదె పాలలో బీటా-కెరోటిన్ పిగ్మెంట్ రంగుని లేకుండా చేస్తుంది. ఆవు పాలలో విటమిన్ ఏ ఉండడం వల్ల కాస్త పసుపు రంగు ఉంటుంది.
అదే విధంగా కోవా, పెరుగు, పన్నీర్, పాయసం, కుల్ఫీ, నెయ్యి వంటి వాటిని తయారు చేసుకోవడానికి కూడా గేదె పాలే మంచిది.అదే ఒకవేళ మీరు స్వీట్లు తయారు చేసుకోవాలంటే ఆవు పాలని ప్రిఫర్ చేయడం మంచిది.అయితే రెండు పాలు కూడా ఆరోగ్యానికి మంచిదే. అయితే ఇక్కడ ఉన్న తేడాలను బట్టి మీకు ఏది బెస్ట్ ఓ చూసుకొని తాగండి.
కానీ ప్రతిరోజూ పాలను తాగడం మాత్రం స్కిప్ చేయొద్దు ఎందుకంటే పాల వల్ల ఎన్నో సమస్యలకు చెక్ పెట్టవచ్చు.ఇక మనం రెగ్యులర్ గా పాలను తాగడం వల్ల ఎలాంటి ప్రయోజనాలు ఉంటాయి అనేది చూస్తే… పాలను తాగడం వల్ల మనం చక్కటి ప్రయోజనాలని మనం పొందవచ్చు. నిజంగా పలు తాగితే ఎన్నో సమస్యలని మనం పరిష్కరించుకోచ్చు అని నిపుణులు చెబుతున్నారు.
పళ్ళు, ఎముకలు గట్టి పడటానికి పాలు చాలా బాగా ఉపయోగపడతాయి. కాబట్టి తప్పకుండా ప్రతి రోజూ పాలను తాగండి.అదే విధంగా వ్యాయామం చేసే వాళ్ళు కండల పెరగడానికి పాలు తీసుకోవాలి. ఎందుకంటే పాలల్లో ప్రొటీన్లు సమృద్ధిగా ఉంటాయి. దీనితో కండరాలు అభివృద్ధి చెందుతాయి.అలానే వేడి వేడిగా పాలను తీసుకోవడం వల్ల మలబద్దకం సమస్య కూడా దూరం అవుతుంది కాబట్టి మలబద్ధకంతో బాధ పడేవారు ప్రతి రోజూ వేడి వేడి పాలను తీసుకోండి.
ఇది ఇలా ఉంటే బాగా అలసటగా ఉన్నప్పుడు హుషారు రావాలంటే కూడా వేడి పాలు తీసుకోండి ముఖ్యంగా చిన్న పిల్లలకి ఇది బాగా మేలు చేస్తుంది.గొంతు నొప్పితో బాధపడే వాళ్ళు పాలలో కాస్త మిరియాల పొడి వేసుకుని తాగితే చక్కటి రిలీఫ్ ని పొందొచ్చు. ఇలా కూడా పాలు ఉపయోగపడతాయి.వేడి వేడి పాలు తీసుకోవడం వల్ల మానసిక ఒత్తిడి కూడా దూరమైపోతుంది. అంతే కాదు మంచి నిద్ర కూడా పొందొచ్చు.
ఒకవేళ కనుక మీ పిల్లలు పాలు తాగకపోతే బాదం పొడి లేదా మరి ఏదైనా ఫ్లేవర్ ని యాడ్ చేసి ఇవ్వండి దీంతో వాళ్లు పాలని ఇష్టపడే అవకాశం ఉంది. అలా కూడా ఇష్టపడక పోతే సోయా మిల్క్ లేదా ఇతర ప్రోటీన్లు ఉండే ఆహార పదార్థాలను తప్పక పెట్టండి. ప్రోటీన్స్ తక్కువగా ఉంటే సమస్యలు వస్తాయి కాబట్టి రెగ్యులర్ గా మంచి పోషక పదార్థాలని ఇచ్చి అనారోగ్య సమస్యల బారిన పడకుండా చూసుకోండి.