Posted [relativedate] at [relativetime time_format=”H:i”]
ఈ మధ్య కాలంలో అనేక మందిని వేదిస్తున్న పెద్ద సమస్య ఒబేసిటీ(ఊబకాయం) ఏడేళ్ళ పిల్లల నుండి ఎనబై ఏళ్ల వరకు ఈ సమస్య వెంటాడుతోంది. అయితే చాలా మంది అసలు వాకింగ్ లాంటవి కూడా చేయకుండా ఇంట్లోనే కుర్చీల్లో కూర్చొని సమయాన్ని గడుపుతున్నారు. ఇదొక్కటే కాక అనేక కారణాల వలన కూడా బరువు పెరగడం జరుగుతుంది, అధిక మోతాదులో కేలరీలు కలిగిన చిరుతిళ్ళు అంటే ఇష్టం కలిగి ఉండడం మరియు వ్యాయామం చేయడం చాలా వరకు తగ్గించడం వంటివి కారణాలు కావచ్చు. పలువురు నిపుణులు ఒక వారానికి మూడుసార్లు 30 నిమిషాల పాటు సాధారణ వ్యాయామం సాధన చేయడం లేదా రోజువారిగా 5000 అడుగుల కాలినడక సాధారణ ప్రజలు ఆరోగ్యంగా ఉండడానికి సహాయపడుతుంది అని సూచించారు.
అయితే, పెరిగిన కాలుష్యం కారణంగా బయట వెళ్ళడం వల్ల మంచి కంటే చెడు ఎక్కువగా జరుగుతుందని అర్థమవుతుంది. ఇలాంటి సమయాలలో శతాబ్దాల కాలం నాటి ‘యోగా‘ తెర మీదికి రావడం జరిగింది. యోగ అనేది బరువును తగ్గించుకోవడానికి గల మార్గాలలోని జిమ్మింగ్ మరియు పరిగెత్తడంల కంటే సులభతరమైనది, దీని కోసం ప్రజలు అధిక ఓర్పు స్థాయిలను కలిగి ఉండాల్సిన అవసరం లేదు. అంతేకాక, దీనిని మీ ఇంట్లోని సంబంధిత పరిధులలోనే సాధన చేయవచ్చు మరియు క్లిష్టమైన అమరికలు లేదా మరియేతర ఇతర రకాల విస్తృతమైన ఏర్పాట్లు చేసుకోవాల్సిన అవసరం లేదు. మరియు ఇందులోని ఉత్తమ విషయం ఏంటంటే, దీనిని ప్రతి ఒక్కరూ, వయస్సుతో సంబంధం లేకుండా కుటుంబంలోని చిన్న, పెద్ద వాళ్ళు అందరూ కలిసి సాధన చేయవచ్చు మరియు దీనితో ఒక ఆరోగ్యకరమైన మరియు సంతోషకరమైన జీవనశైలిని అవలంభిస్తూ ముందుకు సాగవచ్చు.
ఇప్పుడు మన ఇంటిలోనే సులభ పద్దతులలో ఇంటిలో యోగా చేస్తూ బరువు తగ్గించుకోవచ్చు ఆయా ఆసనాలు ఎలానో ఇప్పుడు చూద్దాము.
అందుకు కావాల్సిన వస్తువులు: యోగ మ్యాట్ లేదా కార్పెట్
అనుసరించాల్సిన విధానం: సాధారణంగా కనీసం వారానికి 3 సార్లు, ప్రతి ఒక భంగిమలో 3 నుండి 5 లోతైన శ్వాసలను తీసుకుంటూ సాధన చేయాలి. ప్రతి ఒక్క వ్యాయామాన్ని దానిలోని ప్రధాన భంగిమను సాధన చేస్తూ ప్రారంభించండి. ఇది కష్టంగా అన్పిస్తే, సులువైన విధంగా నేర్చుకోండి. ఫలితాలను వేగంగా పొందాలి అనుకుంటే, ప్రతి భంగిమలో 5 నుండి 8 శ్వాసలను తీసుకుంటూ, పునరావృత్తుల సంఖ్యను పెంచుకోవాలి.
సాధారణంగా దీనిని బో పోజ్ అని పిలుస్తారు. ఇందులో మీరు చేయాల్సిందల్లా నేల పై కడుపును ఆనించి పడుకోవాలి మరియు ఛాతికి ఇరువైపులా చేతులను ఉంచాలి. ఆ తర్వాత, ఒక లోతైన శ్వాసను తీసుకోవాలి మరియు కాళ్లను & తొడలను పైకి ఎత్తాలి. అదే సమయంలో, చేతులతో కాళ్లను పట్టుకోవడానికి ప్రయత్నించండి. ఇదే భంగిమలో కనీసం 30 సెకన్ల పాటు నిలిచి ఉండడం మంచిది & ఆ తర్వాత ఆసనం నుండి నెమ్మదిగా విడుదల కావాలి.
