అంబానీ కుటుంబం ఇటీవల ముంబైలోని తమ నివాసం యాంటిలియాలో గణపతి పూజను నిర్వహించింది, దీనికి భారతీయ చిత్ర పరిశ్రమకు చెందిన అందరిని ఆహ్వానించింది. ఈ వేడుకకి రష్మికని కూడా ఆహ్వానించారు. ఆమె తెల్లని చీరలో ఈ వేడుక వద్ద మెరిశారు. అయితే.. రష్మికతో పాటు ఈ ఈవెంట్ కు శ్రద్ధ కపూర్ కూడా వచ్చారు. . ఇద్దరు నటీమణులు ఒకే సమయంలో కనిపించడంతో వారిపై కెమెరాలు ఫోకస్ అయ్యాయి. అయితే.. శ్రద్ధ కపూర్ ను గమనించిన రష్మిక.. ఆమెను పలకరించడం కోసం వెళ్లి ఆగగా.. శ్రద్ధ కపూర్ ఆమెను పట్టించుకోకుండా పక్క నుంచి వెళ్లిపోయారు.
దీనితో.. శ్రద్ధ కపూర్ ఇలా కావాలనే చేసారని.. రష్మికను అవమానించారని రష్మిక ఫ్యాన్స్ సోషల్ మీడియాలో కామెంట్స్ చేస్తున్నారు. దీనికి సంబంధించిన వీడియో ఇప్పుడు ఒకటి సోషల్ మీడియాలో ప్రత్యక్షమై అందరినీ ఆకట్టుకుంది. పలువురు నెటిజన్లు వీడియో కామెంట్స్ విభాగంలో తమ స్పందనలను తెలిపారు. ఒక నెటిజెన్.. వీరిద్దరూ ఎదురు పడ్డా కనీసం ఒక చిరునవ్వతో కూడా పలకరించుకోలేదా? అని అంటూ ప్రశ్నించారు. మరొకరు బాలీవుడ్ నటులకు దక్షిణాది నటులంటే చిన్న చూపు ఉందని.. అందుకే శ్రద్ధ కపూర్ రశ్మికను కనీసం పలకరించలేదని కామెంట్స్ చేస్తున్నారు .
మరో వైపు.. కొందరు శ్రద్ధ కపూర్ నిజంగానే చూసి ఉండకపోవచ్చని పాజిటివ్ కామెంట్స్ కూడా చేసారు. మరి కొందరు ‘శ్రద్ధా రష్మికను పట్టించుకోని తీరు…అదే నెపోటిజం’ అని అంటూ కామెంట్స్ చేసారు. ప్రస్తుతం ఈ టాపిక్ చర్చనీయాంశంగా మారింది. అంబానీ గణపతి పూజకు షారూఖ్ ఖాన్, సల్మాన్ ఖాన్, అలియా భట్, దీపికా పదుకొణె, రణవీర్ సింగ్, అజయ్ దేవగన్, కరణ్ జోహార్, రోహిత్ శెట్టి మరియు చాలా మంది ఇతర సినీ ప్రముఖులు కూడా హాజరు అయ్యారు. సచిన్ టెండూల్కర్, KL రాహుల్, సూర్యకుమార్ యాదవ్ వంటి క్రీడా ప్రముఖులు కూడా వెళ్లారు .
