ఆంధ్రప్రదేశ్ రాష్ట్ర ప్రభుత్వం ఏళ్ల తరబడి అవుతున్న ఒక పొరపాటును సరిదిద్దుకుంది ఆంధ్రప్రదేశ్ రాష్ట్ర అధికారిక చిహ్నం ‘పూర్ణకుంభం’ కాదని, ఇకపై ‘పూర్ణఘటం’ అని అధికారులు ప్రకటించారు. రాష్ట్ర అధికారిక చిహ్నంపై కొందరు ప్రముఖులు లోతుగా అధ్యనం చేసి రాష్ట్ర ప్రభుత్వానికి తెలియజేయగా ప్రభుత్వం పురావస్తు, చారిత్రక నిపుణులతో చర్చించి.. 1954 నాటి నోటిఫికేషన్‌ ప్రకారం, ఈ చిహ్నం ఆవిష్కరించినపుడు అందులో ఉన్నది ‘పూర్ణఘటం’ అని తిరిగి అధికారిక చిహ్నంలో చేర్చాలని నిర్ణయించింది.
దీని ప్రకారం ధర్మచక్రంలో 64 గీతలు, పూర్ణఘటం చిత్రాన్ని చేర్చారు. నాలుగు సింహాల బొమ్మను అలాగే ఉంచారు. ఈ స్వాతంత్ర వేడుకల నుండి పూర్ణఘటం చిహ్నాన్ని అధికారికంగా చేసుకుంది ఏపీ ప్రభుత్వం. దీంతో పాటు అధికార చిహ్నం పైభాగాన ఆంగ్లంలో ఉండే ‘గవర్నమెంట్ ఆఫ్ ఆంధ్ర ప్రదేశ్’ ను కూడా ‘ఆంధ్రప్రదేశ్ ప్రభుత్వం’ అని తెలుగులోకి మార్చారు. ఆంగ్లంలో కిందివైపు ముద్రించారు. సత్యమేవ జయతే అన్న సూక్తిని కూడా తెలుగులోకి మార్చి ముద్రించారు.’ అని అధికారులు వెల్లడించారు.
