స్వాతంత్ర్య దినోత్సవ కానుకగా సూపర్ స్టార్ మహేష్ బాబు అభిమానులకు అదిరిపోయే కానుక ఇచ్చారు సరిలేరు నీకెవ్వరు సినిమా యూనిట్. భరత్ అనే నేను, మహర్షి వరుస బ్లాక్ బస్టర్ హిట్ల తరువాత సూపర్‌స్టార్ మహేశ్‌బాబు ‘సరిలేరు నీకెవ్వరు’లో నటిస్తున్నారు.
ఈ చిత్రానికి ‘F2’ డైరెక్టర్‌ అనిల్ రావిపూడి దర్శకత్వం వహించారు. జీఎంబీ ఎంటర్‌టైన్‌మెంట్స్, శ్రీవెంకటేశ్వరా క్రియేషన్స్, ఏకే ఎంటర్‌టైన్స్ సంయుక్తంగా ఈ చిత్రాన్ని నిర్మిస్తున్నాయి. ఈ సినిమాలో రష్మిక మందనా, అదితీ రావు హైదరీ హీరోయిన్లుగా నటిస్తున్నారు.
ఈరోజు స్వతంత్ర దినోత్సవం ఆ సినిమా నుండి టైటిల్ సాంగ్‌ ను విడుదల చేశారు. ఈ సాంగ్‌ ను సైనికులకు డెడికేట్ చేస్తూ సైనికుడిగా అదిరిపోయే ఎంట్రీ ఇచ్చారు మహేష్ బాబు. దేశ సరిహద్దుల్లో సైనికులు దేశం కోసం ఎలా పోరాడుతున్నారో విజువల్‌గా చూపించారు.
‘భగభగమండే నిప్పుల వర్షం వచ్చినా…జనగణమన అంటూనే దూకేవాడే సైనికుడు’ అంటూ సాగిన ఈ పాటలో ఇండో పాక్ వార్ 1971, కార్గిల్ వార్ నాటి పరిస్థితుల్ని గుర్తు చేశారు. ఇందులో మహేష్ బాబు మేజర్ అజయ్ క్రిష్ణగా కనిపించారు.
అయితే ఈ టైటిల్ సాంగ్‌ను సినిమా పరంగా అంత గొప్పగా కంపోజ్ చేయలేకపోయారు దేవి శ్రీ ప్రసాద్. లిరిక్స్‌ కూడా ఏదో అలా ఉన్నాయి. మొక్కుబడిగా ట్యూన్స్ కట్టినట్టుగా అనిపించింది.