యంగ్ అండ్ టాలెంటెడ్ హీరోయిన్ రుహాణి శర్మ ప్రధాన పాత్రలో తెరకెక్కిన చిత్రం “HER”. కెరీర్ పరంగా వైవిధ్యభరితమైన కథలను ఎంచుకుంటున్న రుహాణి, ఇప్పుడు మరో డిఫరెంట్ లేడీ ఓరియెంటెడ్ కథతో ప్రేక్షకుల ముందుకు రాబోతోంది. ఈ సినిమాను పోలీస్ ఇన్వెస్టిగేషన్ నేపథ్యంలో శ్రీధర్ స్వరాఘవ్ దర్శకత్వంలో తెరకెక్కిస్తున్నారు . డబుల్ అప్ మీడియాస్ సంస్థ ఫస్ట్ ప్రొడక్షన్ గా ఈ సినిమాను రఘు సంకురాత్రి, దీపా సంకురాత్రి నిర్మించారు.
ఈ సినిమా తాజాగా సెన్సార్ పూర్తి చేసుకొని, పోస్ట్ ప్రొడక్షన్ వర్క్స్ కూడా చేసుకుంది.”HER” మూవీని చూసిన సెన్సార్ సభ్యులు U/A సర్టిఫికెట్ జారీ చేశారు. చిత్రంలోని సన్నివేశాలు చాలా బాగా వచ్చాయని చెబుతూ ఆల్ ది బెస్ట్ చెప్పారు సెన్సార్ సభ్యులు. ఈ చిత్రంలో ప్రదీప్ రుద్ర, సంజయ్ స్వరూప్, వికాస్ వశిష్ట, , జీవన్ కుమార్, అభిగ్న్య, బెనర్జీ, ఇతర ముఖ్యపాత్రలు పోషిస్తున్నారు. సినిమా షూటింగ్ ప్రారంభం నుంచే ప్రమోషన్స్ చేపడుతూ ప్రేక్షకుల దృష్టిని ఆకర్షించారు మేకర్స్.
ఈ సినిమాకి సంబంధించి ఫస్ట్ లుక్ మొదలుకొని టీజర్, ట్రైలర్ సినిమాపై హైప్ తీసుకొస్తూ ప్రేక్షకుల్లో క్యూరియాసిటీ పెంచాయి. HER ఫైనల్ కాపీ చూసిన టాలీవుడ్ బడా బ్యానర్ అయినా సురేష్ ప్రొడక్షన్స్ సంస్థ ఈ చిత్రాన్ని థియేటర్లలో రిలీజ్ చేయడానికి ముందుకు రావడం విశేషం. ఈ సినిమా సురేష్ ప్రొడక్షన్స్ డిస్ట్రిబ్యూషన్‌ సంస్థ ద్వారా జూలై 21న థియేటర్లోకి విడుదల కాబోతుంది . ఈ చిత్రానికి చాణక్య తూరుపు ఎడిటర్ గా , చాణక్య తూరుపు సినిమాటోగ్రఫీ అందించగా, వ్యవహరించారు. పవన్ బాణీలు కట్టారు. ఈ సినిమా రుహాణి కెరీర్ లో ది బెస్ట్ చిత్రం అవుతుందని, భారీ ప్రేక్షకాదరణ పొందుతుందని మేకర్స్ నమ్మకంగా ఉన్నారు.
