గత కొంతకాలంగా ప్రపంచాన్ని అంతటిని వణికిస్తున్న కరోనా వైరస్ ఇటీవలే తెలుగు రాష్ట్రాల వరకు పాకింది. కాగా తెలంగాణ రాష్ట్రంలో కరోనా నిర్ధారణ అయినటువంటి మొదటి పేషేంట్ కి గాంధీ ఆసుపత్రిలోని ప్రత్యేకమైన ఐసోలేషన్ వార్డులో ఉంచి చికిత్స అందించారు. కాగా ఆ కరోనా నిర్ధారణ అయినటువంటి వ్యక్తి చివరికి కోలుకొని, పూర్తి ఆరోగ్యంతో ఆస్పత్రి నుండి డిశ్చార్జ్ కూడా అయ్యాడు. ఇకపోతే రోజురోజుకు కరోనా అనుమానితులు పెరిగిపోతున్నారు.
ఏపీలో కూడా నెల్లూరు జిల్లాలో కూడా ఒక కరోనా కేసు నమోదైనట్లు సమాచారం. కాగా ఆ వ్యక్తి ఇటీవలే ఇటలీ నుండి వచ్చాడని తెలుస్తుంది.కాగా కరోనా లక్షణాలతో ఇటీవల హైదరాబాద్ లోని ఒక ప్రైవేట్ ఆసుపత్రిలో చికిత్స కోసం చేరినటువంటి ఒక 76 ఏళ్ళ వ్యక్తి నేడు మృతి చెందాడు. కాగా కర్ణాటక రాష్ట్రానికి చెందిన ఈ వ్యక్తి కరోనా లక్షణాలతో రెండు రోజుల క్రితం ఒక ప్రైవేట్ ఆసుపత్రిలో చేరాడు. అయితే ఆ వ్యక్తి చికిత్స పొందుతూనే మృతి చెందాడు. కాగా ఆ వ్యక్తి ఇటీవలే సౌదీ అరేబియా నుండి భారతదేశానికి వచ్చాడని సమాచారం.