ఈ ఏడాది సంక్రాంతి బరిలో రిలీజ్ అయిన ‘హను-మాన్’ సినిమా బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ మూవీ తో దర్శకుడు ప్రశాంత్ వర్మ టాక్ ఆఫ్ ది ఇండస్ట్రీగా మారిపోయారు . ఆయన తన సినిమాటిక్ యూనివర్స్ నుండి మరిన్ని సూపర్ హీరో సినిమా స్ చేయనున్నట్లు గతంలోనే వెల్లడించారు. ఇక ‘హను-మాన్’ మూవీ కి సీక్వెల్‌గా ‘జై హనుమాన్’ సినిమా కూడా ఉంటుందని ప్రశాంత్ వర్మ అనౌన్స్ చేశారు .
దీంతో ఈ సీక్వెల్ సినిమా ఎప్పుడెప్పుడు వస్తుందా అని అందరూ ఆసక్తిగా చూస్తున్నారు. ఇప్పటికే ఈ మూవీ కి సంబంధించిన ప్రీ-ప్రొడక్షన్ పనులు కూడా శరవేగంగా జరుగుతున్నాయి. అయితే దీపావళి కానుకగా ఈ ప్రెస్టీజియస్ సీక్వెల్ మూవీ కి సంబంధించిన అప్డేట్ ఉంటుందని ప్రశాంత్ వర్మ ప్రకటించారు . అన్నట్లుగానే ‘జై హనుమాన్’ సినిమా నుండి ఒక సాలిడ్ అప్డేట్‌ని ఆయన సిద్ధం చేశారు. ఈ మూవీ కి సంబంధించిన ఫస్ట్ లుక్ పోస్టర్‌ని అక్టోబర్ 30న రిలీజ్ చేస్తున్నట్లు ప్రశాంత్ వర్మ తాజాగా అనౌన్స్ చేశాడు.
ఇక ఈ అనౌన్స్‌మెంట్‌తో ఒక్కసారిగా అందరి చూపు ‘జై హనుమాన్’ సినిమా పై పడింది. ఇప్పుడు ఈ సీక్వెల్ సినిమా లో మెయిన్ లీడ్‌లో ఎవరు నటిస్తారా.. అనేది ఆసక్తికరంగా మారింది. ఇక ‘హను-మాన్’ సినిమా లో తేజ సజ్జా హీరోగా నటించగా అమృత అయ్యర్ హీరోయిన్‌గా నటించింది. మరి ఆ మూవీ లో హనుమాన్ పాత్రను రివీల్ చేయని ప్రశాంత్ వర్మ, ‘జై హనుమాన్’ మూవీ లో ఈ పాత్రలో ఎవరిని చూపిస్తాడా అనేది చూడాలి. ఈ మూవీ ని మైత్రీ మూవీ మేకర్స్ వారు ప్రొడ్యూస్ చేస్తున్నారు.
