పవర్ స్టార్ పవన్ కల్యాణ్కు ఉన్న క్రేజ్ గురించి కొత్తగా చెప్పనక్కర్లేదు. అయితే కేవలం సినిమాల్లోనే కాదు రియల్ లైఫ్లోనూ పవన్కు అభిమానులున్నారు. ఇక ఇప్పుడు రాజకీయాల్లోకి ఎంట్రీ ఇచ్చిన తర్వాత ఫ్యాన్డమ్ మరింత పెరిగింది. పవన్ కల్యాణ్కు ఫ్యాన్స్ ఉండరు.. భక్తులు ఉంటారని అంటారు. కొన్నికొన్ని సంఘటనలు చూస్తే అది నిజమేనేమో అనిపించక మానదు. పవన్కు ఉన్న క్రేజ్ను క్యాష్ చేసుకోవడానికి కొంత మంది రాజకీయ నేతలు కూడా ప్రయత్నిస్తున్నారు.
అలా రాజకీయాల్లో తనకు మద్దతు ఇవ్వాలని ఓ ఎన్ఆర్ఐ నేత ఏకంగా పవన్ కల్యాణ్ను కోరారు. లండన్ మేయర్‌ ఎన్నికల్లో పోటీ చేస్తున్న భారత సంతతికి చెందిన తరుణ్‌ గులాటీ పవన్ మద్దతు కోరారు. హైదరాబాద్‌లో బుధవారం రోజున జనసేన పార్టీ అధ్యక్షుడు పవన్ కల్యాణ్ను కలిసి మద్దతు కోరారు. స్వతంత్ర అభ్యర్థిగా తాను పోటీ చేస్తున్న ప్రాంతంలో పవన్ కల్యాణ్ అభిమానులు, జనసైనికులు ఎక్కువగా ఉన్నారని గులాటీ చెప్పారు. ఈ నేపథ్యంలో తనకు మద్దతు ఇవ్వాలని కోరినట్లు తెలిపారు. ఈ అభ్యర్థనను పవన్‌కల్యాణ్‌ స్వాగతించినట్లు చెప్పారు. తన అభిమానులు, జనసేన శ్రేణులు, తెలుగువారు, భారతీయులు తరుణ్‌ గులాటీ విజయానికి కృషి చేయాలని పవన్ కల్యాణ్ కోరినట్లు జనసేన ఓ ప్రకటన విడుదల చేసింది.
