సోమవారం జరిగిన మ్యాచ్ తర్వాత విరాట్ కోహ్లీ, గౌతమ్ గంభీర్ మరియు నవీన్-ఉల్-హక్ మధ్య మాటల వాగ్వివాదం జరిగింది, ఆ తర్వాత వారికి జరిమానా విధించబడింది.
“భారతరత్న శ్రీ అటల్ బిహారీ వాజ్‌పేయి ఏకనా క్రికెట్‌ స్టేడియం, లక్నో లో రాయల్ ఛాలెంజర్స్ బెంగళూరుతో (RCB) జరిగిన టాటా ఇండియన్ ప్రీమియర్ లీగ్ (IPL) 2023 మ్యాచ్ సందర్భంగా ఐపిఎల్ ప్రవర్తనా నియమావళిని ఉల్లంఘించినందుకు లక్నో సూపర్ జెయింట్స్ (LSG) మెంటార్ గౌతమ్ గంభీర్‌కు అతని మ్యాచ్ ఫీజులో 100 శాతం అపరాధరుసుము విధించబడింది.
ఐపీఎల్ ప్రవర్తనా నియమావళిలోని ఆర్టికల్ 2.21 ప్రకారం లెవల్ 2 నేరాన్ని గంభీర్ అంగీకరించాడు’’ అని ఐపీఎల్ ఒక ప్రకటనలో తెలిపింది.
ఐపీఎల్ ప్రవర్తనా నియమావళిని ఉల్లంఘించినందుకు రాయల్ ఛాలెంజర్స్ బెంగళూరు బ్యాటర్ విరాట్ కోహ్లీకి మ్యాచ్ ఫీజులో 100 శాతం అపరాధరుసుము విధించారు. ఐపీఎల్ ప్రవర్తనా నియమావళిలోని ఆర్టికల్ 2.21 ప్రకారం లెవల్ 2 నేరాన్ని కోహ్లీ అంగీకరించాడు.
“లక్నో సూపర్ జెయింట్స్ బౌలర్ నవీన్-ఉల్-హక్‌కు అతని మ్యాచ్ ఫీజులో 50 శాతం జరిమానా విధించబడింది. నవీన్-ఉల్-హక్ IPL ప్రవర్తనా నియమావళిలోని ఆర్టికల్ 2.21 ప్రకారం లెవల్ 1 నేరాన్ని అంగీకరించాడు”.
