రానున్న రోజుల్లో మన టాలీవుడ్ నుంచి అంతా ఎదురు చూస్తున్న పలు క్రేజీ ప్రాజెక్ట్ లలో పవర్ స్టార్ పవన్ కళ్యాణ్ అలాగే యంగ్ అండ్ టాలెంటెడ్ దర్శకుడు సుజీత్ కాంబినేషన్ లో చేస్తున్న పవర్ఫుల్ యాక్షన్ మూవీ “ఓజి” (They Call Him OG) కూడా ఒకటి. పవన్ కెరీర్ లో సాలిడ్ హైప్ ను తెచ్చుకున్న ఈ మూవీ ఇప్పుడు పవన్ ఎన్నికల మూలాన ఇచ్చిన గ్యాప్ లో నిరవధికంగా కొన్నాళ్ల పాటు ఆగాల్సి వచ్చింది.
అయితే మళ్ళీ ఈ మూవీ ఎప్పుడు మొదలవుతుంది అని అంతా ఆసక్తిగా ఎదురు చూస్తుండగా దీనిపై లేటెస్ట్ బజ్ ఒకటి వినిపిస్తుంది. దీని ప్రకారం ఈ మూవీ ఇది వరకు మేము చెప్పినట్టుగానే ఆలస్యంగానే మొదలు కానుందట. జూన్ నెలాఖరు అలా పవన్ డేట్స్ ఇచ్చినట్టుగా ఇప్పుడు బాగా వినిపిస్తుంది. దీనితో ఎన్నికలు పూర్తయ్యి ఫలితాలు వచ్చిన తర్వాతే ఓజి మళ్ళీ రీస్టార్ట్ కానున్నది అని చెప్పాలి.
అయితే ఈ మూవీ కి ఇంకా పవన్ కేవలం 15 రోజులు అలా మాత్రమే పని చేయాల్సి ఉందని టాక్. ఈ డేట్స్ కోసమే మేకర్స్ ఎప్పుడు నుంచో ఎదురు చూస్తున్నారు. మొత్తానికి అయితే ఇది జూన్, జూలై నాటికి సాధ్యపడనుంది అని చెప్పుకోవచ్చు . ఇక ఈ భారీ మూవీ కి థమన్ సంగీతం అందిస్తుండగా డీవీవీ ఎంటర్టైన్మెంట్స్ వారు నిర్మాణం వహిస్తున్నారు. అలాగే ఈ సెప్టెంబర్ 27న గ్రాండ్ గా పాన్ ఇండియా లెవెల్లో మూవీ రిలీజ్ కానున్నది .
