తమిళ సోయగం మేఘ ఆకాష్‌ తొలి చిత్రాన్ని స్టార్‌ హీరో ధనుష్‌ సరసన నటించింది. అయితే ఆ చిత్రం ఇంకా విడుదల కాలేదు. చాలాసార్లు విడుదల వాయిదా పడుతూ వచ్చిన ధనుష్‌, మేఘల చిత్రం ఈ నవంబర్‌లో ప్రేక్షకుల ముందుకు రానుంది. మొదటి చిత్రం విడుదల కాకముందే ఈ అమ్మడికి తెలుగులో నితిన్‌ సరసన ‘లై’, ‘ఛల్‌ మోహనరంగ’ చిత్రాలలో ఆఫర్లు వచ్చాయి. అయితే ఈ రెండు చిత్రాలు తెలుగు ప్రేక్షకులను నిరాశపర్చాయి. బాక్సాఫీసు వద్ద బోల్తాపడ్డాయి. అయినా కూడా మేఘ కు యూత్‌తో క్రేజ్‌ బాగా పెరిగిపోయింది.
మేఘ నటించిన తొలి చిత్రం తమిళంలో ఇంకా విడుదల కాకున్నా సూపర్‌స్టార్‌ రజనీకాంత్‌ ‘పెట్ట’ చిత్రంలో నటించే అవకాశం వచ్చింది. సూపర్‌స్టార్‌తో నటించడం అంటే మేఘకు జాక్‌పాట్‌ తగిలినట్టే. రజనీ, ధనుష్‌లతో పాటు ఈ అమ్మడికి శింబు సరసన నటించే ఆఫర్‌ వచ్చింది. ‘అత్తారింటికి దారేది’ చిత్ర తమిళ రీమేక్‌లో పవన్‌కళ్యాణ్‌ పాత్రలో శింబు నటించనుండగా, సమంత పాత్రకు గాను మేఘను ఎంపిక చేసినట్టు కోళీవుడ్‌ వర్గాల నుండి సమాచారం అందుతోంది. మొత్తానికి ఈ అమ్మడు రజనీ, ధనుష్‌, శింబులతో సినిమాలు చేస్తోంది. వీటిలో ఏ ఒక్కటి బ్లాక్‌ బస్టర్‌ అయినా మేఘ ఇక స్టార్‌ అయిపోవడం ఖాయం అని విశ్లేషకులు భావిస్తున్నారు.
