ఉమ్మ‌డి ఆంధ్ర‌ప్ర‌దేశ్ రాష్ట్ర మాజీ ముఖ్య‌మంత్రి దివంగ‌త నేత డాక్ట‌ర్‌. వైయ‌స్ రాజ‌శేఖ‌ర్ రెడ్డి గారి బ‌యోపిక్ ని ఆనందో బ్ర‌హ్మ లాంటి బ్లాక్‌బ‌స్ట‌ర్ హిట్ చిత్రానికి ద‌ర్శ‌క‌త్వం వ‌హించిన మ‌హి.వి.రాఘ‌వ్ ద‌ర్శ‌క‌త్వంలో నటిస్తున్న సంగతి తెలిసిందే. ఈ చిత్రంలో ఇప్పటికే డా..వైఎస్ రాజ‌శేఖ‌ర్ రెడ్డి గారి పాత్రలో మ‌ళ‌యాల సూప‌ర్‌స్టార్ మ‌మ్మూట్టి నటిస్తున్నారు. ఈ సినిమాకి భారీ కాస్టింగ్‌ని ఎంపిక చేసుకున్నారు ద‌ర్శ‌క‌నిర్మాత‌లు. వైయ‌స్ విజ‌య‌మ్మ పాత్ర‌కు, ష‌ర్మిల పాత్ర‌కు, జ‌గ‌న్ పాత్ర‌కు ప‌లువురు న‌టీన‌టుల్ని ఎంపిక చేసుకున్నార‌ని ప్ర‌చార‌మైంది.
తాజాగా ఈ సినిమాలో అత్యంత కీల‌క‌మైన వైయ‌స్ రాజారెడ్డి (వైయ‌స్ తండ్రి) పాత్ర‌కు జ‌గ‌ప‌తిబాబుని సంప్ర‌దించార‌ని తెలుస్తోంది. వైఎస్సార్ తండ్రి రాజారెడ్డి పాత్రలో జగపతిబాబు కనిపించబోతున్నాడట. ఫ్యాక్షనిస్టుగా గుర్తింపున్న రాజా రెడ్డి గురించి పులివెందులలో కథలు కథలుగా చెప్పుకుంటారు. ఆయనలో మంచి-చెడు కోణాలు రెండూ ఉన్నాయి. అందుకే ఆ పాత్ర కు జగపతి బాబు అయితే కరెక్ట్ గా సరిపోతాడని చిత్ర యూనిట్ ఫిక్స్ అయ్యారట. అయితే జ‌గ్గూభాయ్ ఓకే చెప్పారా? లేదా? అన్న‌ది తేలాల్సి ఉంది. మ‌హి.వి.రాఘ‌వ్ ఈ సినిమాని వ‌చ్చే ఎన్నిక‌ల ముందు అంటే జ‌న‌వ‌రిలో రిలీజ్ చేసే ప్లాన్‌లో ఉన్నార‌ని తెలుస్తోంది.