షాహిద్ కపూర్, కైరా అద్వానీ కాంబినేషన్ లో వచ్చిన కబీర్ సింగ్ బాక్సాపీస్ వద్ద కలెక్షన్ల వర్షం కురిపిస్తోంది. సందీప్ రెడ్డి వంగ డైరెక్షన్ చేసిన ఈ మూవీ జూన్ 21 ప్రేక్షకుల ముందుకు రాగా..సూపర్ హిట్ టాక్ తో ప్రదర్శించబడుతోంది. పది రోజుల్లో కబీర్ సింగ్ చిత్రం రూ.181.57 కోట్లు వసూలు చేసినట్లు బాలీవుడ్ వర్గాలు వెల్లడించాయి. మరో రెండు రోజుల్లో ఈ సినిమా 200 కోట్ల క్లబ్ లోకి చేరుకోనుంది. షాహిద్ కపూర్ కెరీర్ లోనే అత్యధిక వసూళ్లు రాబట్టిన చిత్రంగా కబీర్ సింగ్ నిలిచింది. రొమాంటిక్ డ్రామా నేపథ్యంలో తెలుగులో వచ్చిన అర్జున్ రెడ్డి చిత్రానికి రీమేక్‌గా కబీర్ సింగ్ తెరకెక్కింది.
