నేషనల్ స్టార్ ప్రభాస్ నాగ్ అశ్విన్ డైరెక్షన్ లో ‘కల్కి 2898 AD’ అనే ఫాంటసీ సైంటిఫిక్ సినిమా చేయబోతున్న సంగతి తెలిసిందే. ఈ సినిమా వచ్చే ఏడాది వెండితెరను అలంకరించడానికి సిద్ధంగా ఉన్నది . కాగా తాజాగా సోషల్ మీడియాలో ఈ మావోయి ఉత్తేజకరమైన ఒక అప్ డేట్ వినిపిస్తోంది. ఈ మూవీ లో ప్రధాన పాత్రలో నటిస్తోన్న కమల్ హాసన్ యొక్క ఫస్ట్ లుక్‌ని ఆయన పుట్టినరోజు సందర్భంగా విడుదల చేయవచ్చు అని టాక్ నడుస్తుంది . రేపు అనగా నవంబర్ 7న కమల్ పుట్టిన రోజు. కాబట్టి, రేపు ఈ దిగ్గజ నటుడి ఫస్ట్ లుక్ పోస్టర్‌ను కల్కి నుంచి రిలీజ్ కాబోతుందంట .
కాగా ఈ మూవీ లో వచ్చే ఫ్లాష్ బ్యాక్ లోని వీఎఫ్ఎక్స్ విజువల్స్ మూవీ మొత్తంలోనే హైలైట్ అట. ముఖ్యంగా హిమాలయాల నేపథ్యంలో వచ్చే ఒక యాక్షన్ సీక్వెన్స్ లోని విజువల్స్ కూడా అద్భుతంగా అనిపిస్తాయట. ఇక ఈ సినిమాలో బాలీవుడ్ సూపర్‌ స్టార్ అమితాబ్ బచ్చన్ తో పాటు లోకనాయకుడు కమల్ హాసన్ కూడా ఒక కీలక పాత్రలో నటిస్తున్నారు. ప్రస్తుతం ఈ సినిమా పోస్ట్ ప్రొడక్షన్ శరవేగంగా జరుగుతోంది. మొత్తానికి పాన్ -ఇండియా సినిమా గా ఈ సినిమాని మలచడానికి నాగ్ అశ్విన్ బాగా ప్రయత్నాలు చేస్తున్నాడు. వైజయంతీ మూవీస్‌ పతాకంపై అశ్వనీదత్‌ ఈ సినిమా ని భారీ స్థాయిలో నిర్మిస్తున్నారు.
