Posted [relativedate] at [relativetime time_format=”H:i”]
మహేష్‌బాబు తాజాగా ‘భరత్‌ అనే నేను’ చిత్రంతో భారీ బ్లాక్‌ బస్టర్‌ సక్సెస్‌ను దక్కించుకున్నాడు. రికార్డు స్థాయిలో విజయాన్ని దక్కించుకున్న మహేష్‌బాబు తన తదుపరి చిత్రాన్ని వంశీ పైడిపల్లి దర్శకత్వంలో చేయబోతున్న విషయం తెల్సిందే. దిల్‌రాజు మరియు అశ్వినీదత్‌లు సంయుక్తంగా నిర్మించబోతున్న ఈ సినిమా పూజా కార్యక్రమాలు దాదాపు ఆరు నెలల క్రితమే అయ్యాయి. పక్కా స్క్రిప్ట్‌తో దర్శకుడు వంశీ అప్పటి నుండి ఎదురు చూస్తూ వస్తున్నాడు. మద్యలో నిర్మాత పీవీపీ వివాదంను రోడ్డుకు ఈడ్చడం జరిగింది. దాంతో ఈ సినిమా ఉంటుందా ఉండదా అంటూ అనుమానాలు వ్యక్తం అయ్యాయి. అలాంటి సమయంలో మహేష్‌ బాబు కల్పించుకుని పీవీపీకి కూడా ఇదులో భాగస్వామ్యం కల్పించినట్లుగా తెలుస్తోంది.
‘భరత్‌ అనే నేను’ చిత్రం తర్వాత విదేశాలకు టూర్‌కు వెళ్లిన మహేష్‌బాబు అండ్‌ ఫ్యామిలీ తాజాగా ఇండియా వచ్చారు. ప్రస్తుతం ఎండ వేడి బాగా ఉన్న కారణంగా జూన్‌ రెండవ వారం నుండి వంశీ పైడిపల్లి దర్శకత్వంలో సినిమాకు మహేష్‌బాబు డేట్లు ఇచ్చాడు. ఈ చిత్రం మహేష్‌బాబుకు 25వ చిత్రం అవ్వడంతో చాలా ప్రత్యేకం అని ప్రత్యేకంగా చెప్పనక్కర్లేదు. అందుకే దర్శకుడు వంశీ పైడిపల్లి చాలా జాగ్రత్తలు తీసుకుని మరీ తెరకెక్కించబోతున్నాడు. ఈ చిత్రంలో మహేష్‌బాబును చాలా కొత్తగా చూస్తామంటూ సినీ వర్గాల్లో గుసగుసలు వినిపిస్తున్నాయి. మహేష్‌బాబు ఇప్పటి వరకు గడ్డం మీసాలు లేకుండా కనిపించాడు. అయితే తన 25వ చిత్రంలో మాత్రం కాస్త గడ్డంతో పాటు మీసాలు కూడా కనిపించబోతున్నాయని సమాచారం అందుతుంది. మరి మహేష్‌బాబు 25వ సినిమా ఎలాంటి ఫలితాన్ని అందుకుంటుందో చూడాలి. జూన్‌ రెండవ వారంలో మొదలు పెడితే ఇదే సంవత్సరం చివర్లో ప్రేక్షకుల ముందుకు తీసుకు వచ్చే అవకాశం ఉంది.
