సూపర్‌ స్టార్‌ మహేష్‌బాబు ఈమద్య సినిమా వేడుకల్లో ఎక్కువగా కనిపిస్తున్నాడు. అయితే ఎక్కువగా తన బావ సుధీర్‌బాబు నటించిన సినిమా వేడుకల్లోనే ఆయన కనిపిస్తూ వస్తున్నాడు. మహేష్‌బాబు ఇతర హీరోల సినిమాల వేడుకలకు కూడా అప్పుడప్పుడు హాజరు అవుతూ వస్తున్నాడు. తాజాగా ఈయన అల్లరి నరేష్‌, సునీల్‌లు హీరోలుగా నటించిన ‘సిల్లీఫెలోస్‌’ సినిమా ప్రీ రిలీజ్‌ వేడుకలో పాల్గొనేందుకు ఓకే చెప్పినట్లుగా తెలుస్తోంది. ఇలా చిన్న హీరో సినిమా వేడుకలో మహేష్‌బాబు పాల్గొనడం ఇదే ప్రథమం అని చెప్పుకోవచ్చు. ఇప్పటి వరకు పెద్ద హీరోతో తప్ప చిన్న హీరోల కోసం స్టేజ్‌ ఎక్కని మహేష్‌బాబు అల్లరి నరేష్‌ కోసం ఈసారి తన పద్దతి మార్చుకుంటూ సిల్లీఫెలోస్‌ వేడుకలో పాల్గొనడం జరుగుతుంది.
మహేష్‌బాబు 25వ చిత్రంలో అల్లరి నరేష్‌ ఒక కీలక పాల్రో కనిపించబోతున్నాడు. ఇటీవలే ఆ విషయాన్ని అల్లరి నరేష్‌ కూడా క్లారిటీ ఇచ్చాడు. తన సినిమాలో కీలక పాత్ర పోషించేందుకు ఓకే చెప్పిన అల్లరి నరేష్‌ కోసం మహేష్‌బాబు సిల్లీ ఫెలోస్‌ వేడుకలో పాల్గొనేందుకు ఓకే చెప్పి ఉంటాడు అని సినీ వర్గాల్లో అంటున్నారు. తన సినిమాలో నటించబోతున్నందున ఆ సినిమా వేడుకకు మహేష్‌ బాబు వెళ్లాల్సిన అవసరం లేదు. ఆ వేడుకలో పాల్గొనకపోయినా కూడా అల్లరి నరేష్‌, మహేష్‌ సినిమాలో నటిస్తాడు. కాని మహేష్‌బాబు మంచి మనసుతో తనతో కలిసి నటించబోతున్న అల్లరి నరేష్‌ సినిమా ప్రమోషన్‌ కోసం అడుగు ముందుకు వేయడం ఉంది చూశారు, అది మంచి విషయం అంటూ సినీ విశ్లేషకులు అభిప్రాయం వ్యక్తం చేస్తున్నారు. మహేష్‌బాబు మంచి నిర్ణయం తీసుకున్నాడు అంటూ అభినందనలు వ్యక్తం అవుతున్నాయి.
