ఉత్తరప్రదేశ్ లో ఘోరం చోటుచేసుకుంది. పెళ్లి వేడుకలో జరిగిన ఓ గొడవ బాలుడి హత్యకు కారణమైంది. భోజనాల వద్ద వరుడి స్నేహితులు అతిగా ప్రవర్తించడంతో రెండు వర్గాల మధ్య గొడవ సంభవించింది. దీంతో వధువు తమ్ముడు హత్యకు గురయ్యాడు. ఫ‌రూఖాబాద్‌లోని అట్‌సైని ప‌హ‌ర్‌పూర్ గ్రామానికి చెందిన మ‌నోజ్ కుమార్‌కు గోవింద్‌పూర్ అదుల్లాపూర్‌కు చెందిన యువ‌తితో సోమ‌వారం సాయంత్రం పెళ్లైంది. ఈ పెళ్లి తర్వాత అదే రోజు రాత్రి బ‌రాత్ కార్యక్రమం ఘనంగా నిర్వహించారు.
అయితే ఈ సమయంలో ఫుల్లుగా మద్యం సేవించిన వరుడి ఫ్రెండ్స్ భోజనాల వద్ద గొడవకి దిగారు. భోజనాలు బాగోలేవంటూ వధువు తరుఫున వారు గొడవ చేశారు. అలాగే.. మద్యం మత్తులో తుపాకీతో కాల్పులు కూడా జరిపారు. ఆ తర్వాత పెళ్లి కొడుక్కి మంచినీళ్లు ఇవ్వడానికి వెళ్లి వధుడు తమ్ముడిని వారు బలవంతంగా కారులో ఎక్కించుకొని తీసుకుపోయారు. అడ్డొచ్చిన బంధువులను కూడా ఢీకొటట్డంతో ఆ ప్రమాదంలో ముగ్గురు మహిళలు గాయపడ్డారు. దీంతో వారిని లోహియా జిల్లా ఆస్పత్రికి తరలించారు.