Posted [relativedate] at [relativetime time_format=”H:i”]
‘మహానటి’తో విమర్శకుల ప్రశంసలు దక్కించుకున్న దర్శకుడు నాగ్‌ అశ్విన్‌. సావిత్రి జీవిత చరిత్రను కళ్ల ముందుకు తీసుకు వచ్చిన దర్శకుడు నాగ్‌ అశ్విన్‌ అద్బుతమైన పనితీరుతో ప్రేక్షకులను ఆటక్టుకున్నాడు. మహానటికి ముందు ఎవడే సుబ్రమణ్యం చిత్రంతో దర్శకుడు నాగ్‌ అశ్విన్‌ ప్రేక్షకులను ఆకట్టుకున్న విషయం తెల్సిందే. విమర్శకుల ప్రశంసలు సైతం పొందిన ఆ సినిమాకు ఇప్పుడు సీక్వెల్‌ చేసే ఆలోచనలో దర్శకుడు నాగ్‌ ఉన్నట్లుగా మీడియాలో వార్తలు వస్తున్నాయి. నాని, విజయ్‌ దేవరకొండ కలిసి నటించిన ఆ సినిమా కథ చాలా విభిన్నంగా, వైవిధ్యంగా ఉంటుంది. ఆ చిత్రంలో విజయ్‌ దేవరకొండ మృతి చెందుతాడు. సీక్వెల్‌లో నానితో సినిమాను లాంగించబోతున్నాడు అంటూ కొందరు విశ్లేషిస్తూ ఉన్నారు. అయితే అవన్ని పుకార్లే అంటూ దర్శకుడు కొట్టి పారేశాడు.
‘ఎవడే సుబ్రమణ్యం’ చిత్రం సీక్వెల్‌పై మీడియాలో వస్తున్న వార్తలు నిజం కాదని, తాను అనుకున్నది అనుకున్నట్లుగా చూపించాను అంటూ చెప్పుకొచ్చాడు. ప్రస్తుతం తాను నానితో సినిమాను చేయాలని భావిస్తున్న మాట వాస్తవమే కాని, అది ఎవడే సుబ్రమణ్యం చిత్రానికి సీక్వెల్‌ మాత్రం కాదు అంటూ చెప్పుకొచ్చాడు. నానితో పాటు చిరంజీవితో కూడా ఒక సినిమాను ఈయన ప్లాన్‌ చేస్తున్నాడు. మహానటి చిత్రాన్ని సూపర్‌ సక్సెస్‌ చేసుకున్న దర్శకుడు నాగ్‌ అశ్విన్‌ కాస్త గ్యాప్‌ తీసుకుని నానితో సినిమా చేస్తాడట. ప్రస్తుతం నాని చేతిలో ఒక మల్టీస్టారర్‌ చిత్రంతో పాటు, కొరటాల మూవీ ఉంది. ఆ రెండు పూర్తి అయితే అప్పుడు నాగ్‌ అశ్విన్‌ దర్శకత్వంలో సినిమాకు డేట్లు ఇస్తాడని భావిస్తున్నారు.
