Posted [relativedate] at [relativetime time_format=”H:i”]
తెలుగు హీరోలు కొన్ని హద్దులు పెట్టుకుని, గీతలు గీసుకుని మరీ అందులో ఉండి నటిస్తూ ఉంటారు. అయితే ఇతర భాషల హీరోలు మాత్రం ఆ హద్దులను దాటేసి, గీతలను చెరిపేసి తమ ఇమేజ్‌ను పక్కకు పెట్టి మరీ నటిస్తారు. కాని తెలుగు హీరోలు మాత్రం ఆ సాహసం చేసేందుకు ఎంతమాత్రం అంగీకరించేవారు కాదు. కాని ప్రస్తుత పరిస్థితి మారుతోంది. మెల్ల మెల్లగా తెలుగు హీరోలు తమ ఇమేజ్‌ చట్రం నుండి బయటకు వస్తున్నారు. ఒక హీరో అంటే అన్ని బాగుండాలని అనుకునే రోజుల పోయాయి. కళ్లు లేకపోయినా, చెవులు వినిపించక పోయినా కూడా ప్రేక్షకులు చూస్తున్నారు. అందుకే హీరోలు కూడా అప్పుడప్పుడు అలాంటి పాత్రలు చేయాలని ఆసక్తి చూపుతున్నారు. తాజాగా నాగశౌర్య ఒక విభన్ని పాత్రతో ప్రేక్షకుల ముందుకు వచ్చేందుకు సిద్దం అవుతున్నాడు.
నందమూరి తారక రామారావు నటించిన నర్తనశాల చిత్రం గుర్తింది కదా, అందులో బృహన్నలగా ఎన్టీఆర్‌ నటించాడు. గే పాత్రలో ఎన్టీఆర్‌ అద్బుతంగా నటించి మెప్పించ్చాడు. ఇప్పుడు అచ్చు ఆ పాత్రను నాగశౌర్య చేస్తున్నాడు. నర్తనశాల టైటిల్‌తో రూపొందుతున్న చిత్రంలో నాగశౌర్య గే గా కనిపిస్తాడని చిత్ర యూనిట్‌ సభ్యులు చెబుతున్నారు. హీరో గే కనుక టైటిల్‌ ఇది పెట్టారనే టాక్‌ వినిపిస్తుంది. గతంలో రామ్‌ ‘మసాలా’ చిత్రంలో గే గా కొద్ది సేపు కనిపించి మెప్పించాడు. ఇప్పుడు నాగశౌర్య కూడా గేగా నటించి మెప్పిస్తాడేమో అనే చర్చ జరుగుతుంది. త్వరలోనే ఈ చిత్రంకు సంబంధించిన ఫస్ట్‌లుక్‌ రివీల్‌ చేయబోతున్నారు. ఫస్ట్‌లుక్‌లోనే శౌర్య పాత్రపై క్లారిటీ ఇవ్వనున్నారు. ఎక్కువ అమ్మాయిల మద్య తిరిగే పాత్రలో శౌర్య కనిపించబోతున్నాడు. ఇది సక్సెస్‌ అయితే శౌర్యపై ప్రశంసల జల్లు కురవడం ఖాయం.
