ప్రస్తుతానికి రాజకీయాలతో బిజీగా గడుపుతున్నటువంటి పవన్ కళ్యాణ్ మళ్ళీ సినిమాల్లోకి రీ ఎంట్రీ ఇచ్చి, షూటింగ్ లో కూడా పాల్గొంటున్నారు. బాలీవుడ్ లో మంచి విజయాన్ని నమోదు చేసుకున్నటువంటి పింక్ చిత్రాన్ని తెలుగులో రీమేక్ చేస్తున్నారు. వేణుశ్రీరామ్‌ దర్శకత్వం వహిస్తున్న ఈ సినిమాని దిల్ రాజు మరియు బోనీ కపూర్ సంయుక్తంగా నిర్మిస్తున్నారు. కాగా నివేధా థామస్‌, అంజలి, అనన్య కీలక పాత్రల్లో కనిపించనున్నారు.
అయితే ఈ సినిమాకు సంబంధించి ఒక వార్త సామజిక మాంద్యమాల్లో వైరల్ గా మారింది… కాగా రాజకీయాలతో మునిగిపోయిన పవన్ ఈ సినిమా కోసమని కేవలం 30 రోజులు మాత్రమే సర్దుబాటు చేశారు. కాగా హైదరాబాద్‌ పరిసరాల్లో ప్రతిరోజూ షూటింగ్ ఉంటున్న నేపథ్యంలో, పవన్ కి సమయాన్ని సర్దుబాటు చేయడానికి నిర్మాత దిల్ రాజు ఒక ప్రత్యేక విమాన సదుపాయాన్ని కల్పించారని, ఈ మేరకు ఇప్పటికే దిల్ రాజు ఒక విమానయాన సంస్థతో ఒప్పందాన్ని కుదుర్చుకున్నారని సమాచారం. అందుకని కోటి రూపాయలు ఖర్చు చేశారని వినిపిస్తుంది.