యంగ్‌ రెబల్‌స్టార్‌ ప్రభాస్‌ ప్రస్తుతం ‘జిల్‌’ ఫైం రాదాకృష్ణ దర్శకత్వంలో నటిస్తున్నాడు. ఈ చిత్ర షూటింగ్‌ ప్రస్తుతం ఇటలీలో జరుగుతోంది. తాజాగా ప్రభాస్‌ షూటింగ్‌లో జాయిన్‌ అయ్యారు. ఒక రొమాంటిక్‌ కథతో తెరకెక్కుతున్న ఈ చిత్రానికి ఆసక్తికర టైటిల్‌ను పరిశీలిస్తునారు చిత్ర యూనిట్‌. ‘అమూర్‌’ అని టైటిల్‌ని ఫిక్స్‌ చేసే ఆలోచనలో ఉన్నారు. అమూర్‌ అనేది ఫ్రెంచి పదం, ఈ పదానికి అర్థం ప్రేమ. రొమాంటిక్‌ నేపథ్యంలో తెరకెక్కుతున్న ఈ చిత్రానికి ప్రేమ అనే టైటిల్‌ను ఫిక్స్‌ చేయాలని చిత్ర యూనిట్‌ భావిస్తున్నారు.
టైటిల్‌ పరభాష పదం కాబట్టి ప్రేక్షకులకు పెద్దగా కనెక్ట్‌ అవదు అనే ఫీలింగ్‌లో ఉన్నారు. అయితే ఇప్పటివరకైతే ఇదే టైటిల్‌ దృష్ట్యాఆలోచన చేస్తున్నారు. ‘బాహుబలి 2’ చిత్రం తర్వాత ప్రభాస్‌ నటిస్తున్న ఈ చిత్రంపై అంచనాలు తారా స్థాయిలో ఉన్నాయి. ప్రభాస్‌ కెరియర్‌ ‘బాహుబలి’ ముందు, తర్వాత అన్నట్టుగా ఉంది, దాంతో దర్శకుడు కూడా ఈ చిత్రంపై తగు జాగ్రత్తలు తీసుకుంటున్నాడు. ఈ చిత్రంలో ప్రభాస్‌ సరసన పూజా హెగ్డే నటిస్తోంది.
