బాహుబలి చిత్రం తరువాత ప్రభాస్ రెండు చిత్రాలతో బిజీగా ఉన్నాడు. రన్ రాజా రన్ మూవీ దర్శకుడు సుజిత్ దర్శకత్వంలో సాహో చిత్రంలో నటిస్తున్నాడు. ఈ చిత్రం మొదటి షెడ్యూల్ పూర్తి చేసుకుని కొంత విరామం తీసుకుంది. ఈ గ్యాప్ లో సాహో చిత్రా బృందం ఈ చిత్రానికి గ్రాఫిక్స్ అండ్ విజువల్ ఎఫెక్ట్స్ అద్దె పనిలో ఉన్నారు. ఈ చిత్రంలో బాలీవుడ్ నటి శ్రద్ద కుమార్ కథానాయకగా నటిస్తుంది. ఈ చిత్రం నుండి విడుదలైన సాహో మేకింగ్ వీడియో ను ప్రభాస్ బర్త్ డే సందర్బంగా విడుదల చేసి సినిమా అంచనాలు పెంచారు. ఫుల్ యాక్షన్ ఎపిసోడ్స్ తో సాహో చిత్రాని రూపొందిస్తున్నారు. ఈ చిత్రం ఆగష్టు 15న విడుదలవుతుంది. ఈ నేపద్యంలోనే ప్రభాస్ మరో చిత్రంలో నటిస్తున్నాడు.
జిల్ ఫేమ్ దర్శకుడు కె. రాధాకృష్ణ కుమార్ దర్శకత్వంలో మరో సినిమాలో నటిస్తున్నాడు. పూజ హెగ్డే కథానాయకగా నటిస్తుంది. ఈ చిత్రానికి జాన్ అనే టైటిల్ పెడుతున్నట్లు ఇటివల వార్తలు వచ్చాయి. కానీ అధికారికంగా ప్రకటించలేదు. ఈ చిత్రానికి విజువల్ ఎఫెక్ట్స్ అందిస్తున్నా కనల్ కన్నన్ ఓ ఇంటర్వ్యూ లో మాట్లాడుతూ… జాన్ మొదటి షెడ్యూల్ ఇటలిలో జరుపుకుంది. తర్వాత షెడ్యూల్ కోసం కొంత విరామం తీసుకుంది అన్నారు. దాంతో ప్రభాస్, రాధాకృష్ణ కుమార్ సినిమా టైటిల్ జాన్ అనే విషయం బయటపడింది. దర్శకుడు ఈ చిత్రాని పిరియాడికల్ నేపధ్యం కలిగిన కథతో రూపొందిస్తున్నాడు. ప్రభాస్ ఈ చిత్రంలో కొత్త లుక్ లో కనిపిస్తాడు. ప్రభాస్ లుక్ ఏమిటి అనేది మాత్రం సస్పెన్స్ గా ఉంచారు. యువి క్రియేషన్స్, గోపి కృష్ణ మూవీస్ సంయుక్తంగా నిర్మిస్తారు. ఈ చిత్రాని ఈ ఏడాది చివరలో విడుదల చేస్తారు. జాన్ చిత్రం గ్యాప్ లో ప్రభాస్ సాహో చిత్రం సెకండ్ షెడ్యూల్ లో పాల్గొంటున్నాడు.
