టాలీవుడ్‌లో తన అందంతో పాటు నటనతోనూ యూత్‌లో మంచి క్రేజ్ తెచ్చుకున్న మలయాళీ బ్యూటీ నివేదా థామస్, కొంచెం గ్యాప్ తరువాత నటిస్తున్న తాజా మూవీ ‘35 – చిన్న కథ కాదు’. ఈ మూవీ ఇప్పటికే షూటింగ్ పనులు ముగించుకుని రిలీజ్‌కి రెడీ అయ్యింది. ఇక ఈ మూవీ లో ఒక మధ్యతరగతి గృహిణి పాత్రలో నివేదా నటిస్తుండటంతో ఆమె అభిమానులు ఈ మూవీ ని చూసేందుకు ఆసక్తిని చూపుతున్నారు.
ఇప్పటికే ఈ మూవీ నుంచి రిలీజైన పోస్టర్స్, టీజర్, వీడియో గ్లింప్స్‌లు ఈ మూవీ పై పాజిటివ్ వైబ్స్ క్రియేట్ చేశాయి. ఇక ఈ మూవీ లో నటుడు ప్రియదర్శి ఒక కీలక పాత్రలో నటిస్తున్నాడు. ఈ మూవీ లో ఆయన చాణక్య వర్మ అనే ఉపాధ్యాయుడి పాత్రలో నటిస్తున్నాడు. ఆయన పాత్రకి సంబంధించి తాజాగా ఒక వీడియో గ్లింప్స్‌ను మేకర్స్ రిలీజ్ చేశారు. మరోసారి ఆయన తన నటనతో ఈ మూవీ కు మేజర్ అసెట్‌గా మారనున్నట్లు ఈ గ్లింప్స్ చూస్తే అర్థమవుతోంది.
ఇక ఈ సినిమాను హీరో రానా దగ్గుబాటి ప్రొడ్యూస్ చేస్తుండగా, నంద కిషోర్ ఈమని ఈ చిత్రాన్ని డైరెక్ట్ చేస్తున్నాడు. ఈ సినిమాలో విశ్వదేవ్ రాచకొండ, గౌతమి, భాగ్యరాజ్, కృష్ణతేజ, అరుణ్ దేవ్, అభయ్, అనన్య తదితరులు ఇతర ముఖ్య పాత్రల్లో నటించారు. వివేక్ సాగర్ సంగీతం అందిస్తున్న ఈ సినిమాను ఆగస్టు 15న రిలీజ్ చేసేందుకు మేకర్స్ ప్లాన్ చేస్తున్నారు.
