Posted [relativedate] at [relativetime time_format=”H:i”]
పవన్ క‌ళ్యాణ్ త‌న అభిమానుల‌కు పుట్టిన‌రోజు కానుక అందించారు. త్రివిక్ర‌మ్‌శ్రీనివాస్, ప‌వ‌న్‌క‌ళ్యాణ్ కాంబినేష‌న్ లో వ‌స్తున్న 25వ చిత్రం ఫ‌స్ట్ లుక్ రిలీజ‌యింది. దీనికోసం అభిమానులు ఎన్నాళ్ల‌నుంచో ఎదురుచూస్తున్నారు. పీఎస్‌పీకే 25 హ్యాష్ ట్యాగ్ తో సినిమా యూనిట్ కాన్సెప్ట్ పోస్ట‌ర్ రిలీజ్ చేసింది. ఈ ఫ‌స్ట్ లుక్ అప్పుడే సోష‌ల్ మీడియాలో హ‌ల్‌చల్ చేస్తోంది. ఫ‌స్ట్ లుక్ లో పవన్ జ‌ల్సా సినిమాలోలా యంగ్ లుక్ తో క‌నిపిస్తున్నారు. ఓ ప‌క్క‌కు తిరిగి దీర్ఘాలోచ‌న‌లో ఉన్నట్టుగా పవన్ లుక్ ఉంది. అలాగే న‌డిచి వెళ్తున్న‌ట్టుగా వెన‌క నుంచి ఓ ఇమేజ్ క‌నిపిస్తోంది.
ఈ సినిమాలో పవన్ స‌ర‌స‌న కీర్తి సురేశ్‌, అనుఇమ్మానుయేల్ హీరోయిన్లుగా న‌టిస్తున్నారు. హారిక అండ్ హాసిని క్రియేష‌న్స్ చిత్రాన్నినిర్మిస్తోంది. తమిళ సంగీత ద‌ర్శ‌కుడు అనిరుధ్ మ్యూజిక్ అందిస్తున్నారు. అత్తారింటికి దారేది లాంటి సెన్సేష‌న‌ల్ హిట్ త‌ర్వాత పవన్, త్రివిక్ర‌మ్ కాంబినేష‌న్లో వ‌స్తున్న సినిమా కావ‌టంతో దీనిపై ఇప్ప‌టికే ఇటు టాలీవుడ్ లోనూ , అటు ప్రేక్ష‌కుల్లోనూ భారీగా అంచ‌నాలున్నాయి. షూటింగ్ వేగంగా జ‌రుపుకుంటోన్న ఈసినిమాకు ఇంకా టైటిల్ ఖ‌రారు చేయ‌లేదు. ఇంజినీర్ బాబు, గోకుల కృష్ణుడు, దేవుడు దిగివ‌చ్చిన వేళ, రాజు వ‌చ్చినాడు వంటి టైటిల్స్ వినిపించినా…అస‌లు టైటిల్ ఏమిటో ఇంకా తెలియ‌లేదు.
