బాలీవుడ్‌ నటి పరిణీతి చోప్రా, ఆమ్‌ ఆద్మీ పార్టీ ఎంపీ రాఘవ్ చద్దా వివాహ బంధంతో వీళ్లిద్దరు ఒక్కటయ్యారు. రాజస్థాన్ ఉదయ్పుర్లోని లీలా ప్యాలెస్ లో వీరి పెళ్లి బంధానికి వేదికగా నిలిచింది. పంజాబీ సంప్రదాయంలో వీరి కల్యాణం ఆదివారం రోజున అంగరంగ వైభవంగా
కన్నులవిందుగా జరిగింది . బంధు మిత్రులు, స్నేహితుల సమక్షంలో రాఘవ్.. పరిణీతి మెడలో మూడు ముళ్లు కూడా వేశారు.
]ఈ వేడుకకు ఇరువురి తరఫున బంధువులు, స్నేహితులతో పాటు సినీ, రాజకీయ, క్రీడా ప్రముఖులు హాజరయ్యారు. ఢిల్లీ సీఎం కేజ్రీవాల్, పంజాబ్ సీఎం భగవంత్ మాన్, ఉద్ధవ్ ఠాక్రే కుమారుడు ఆదిత్య ఠాక్రే సహా పలువురు హాజరై నూతన వధూవరులను ఆశీర్వదించారు.
ఈ కొత్త జంట తమ పెళ్లి ఫొటోలను తమ సోషల్ మీడియా ఖాతాలో షేర్ చేసింది. ఈ ఫొటోలు చూసి నెటిజన్లు ఫిదా అవుతున్నారు. ఫెయిరీ టైల్ లవ్ స్టోరీ అంటూ కామెంట్లు చేస్తున్నారు. పరి చాలా అందంగా కనిపిస్తోందంటూ లైకుల వర్షం కురిపిస్తున్నారు.
