ఆ క్లాసిక్‌ సాంగ్‌ కోసం రకుల్‌ ఫిక్స్‌…!

Rakul Preet Singh To Play Sridevi In This NTR Biopic

ఎన్టీ రామారావు బయోపిక్‌ ‘ఎన్టీఆర్‌’ చిత్రం రెండు పార్ట్‌లు సంక్రాంతి మరియు రిపబ్లిక్‌ డే సందర్బంగా విడుదల కాబోతున్నట్లుగా అధికారిక ప్రకటన వచ్చేసిన విషయం తెల్సిందే. భారీ అంచనాల నడుమ రూపొందుతున్న ఈ చిత్రంలో ఇప్పటికే స్టార్‌ కాస్టింగ్‌ భారీగా ఉంది. ఇంత భారీ స్టార్‌ కాస్టింగ్‌తో సినిమా రూపొందుతున్న నేపథ్యంలో అంచనాలు ఆకాశాన్ని తాకేలా ఉన్నాయి.

rakul-movies

అంచనాలకు ఏమాత్రం తగ్గకుండా ఈ చిత్రం ఉంటుందనే నమ్మకం అందరిలో వ్యక్తం అవుతుంది. ఇక ఎన్టీఆర్‌ సినీ జీవితంను చూపించాల్సిన నేపథ్యంలో శ్రీదేవి పాత్రను తప్పనిసరిగా చూపించాల్సిందే. అందుకే ఈ చిత్రంలో శ్రీదేవి పాత్రను ప్రముఖ హీరోయిన్‌ రకుల్‌ ప్రీత్‌ సింగ్‌తో చేయించేందుకు దర్శకుడు క్రిష్‌ సిద్దం అయ్యాడు.

ntr-bio-pic

ఎన్టీఆర్‌ సినీ కెరీర్‌లో బ్లాక్‌ బస్టర్‌ చిత్రాలు ఎన్నో ఉన్నాయి. ఆ చిత్రాల్లో ఒకటి ‘వేటగాడు’. ఆ చిత్రంలో శ్రీదేవితో ఆకు చాటు పిందె తడిసే పాట సూపర్‌ హిట్‌ అయ్యింది. ఇప్పటికి కూడా ఆ పాట గురించి చర్చించుకుంటూనే ఉంటారు. అందుకే ఆ పాటను ‘ఎన్టీఆర్‌’ బయోపిక్‌లో రీమిక్స్‌ చేయాలని నిర్ణయించుకున్నారు. అందుకోసం క్రిష్‌ ఏర్పాట్లు చేస్తున్నాడు. బాలకృష్ణ, రకుల్‌ల కాంబినేషన్‌లో హైదరాబాద్‌లో ప్రత్యేకంగా వేసిన సెట్స్‌లో చిత్రీకరించబోతున్నారు. ఈ పాటను కీరవాణి రీమిక్స్‌ చేయబోతున్నాడు. రెండున్నర నిమిషాల పాటు ఈ పాట ఉంటుందని, పాత ఫ్లేవర్‌ మిస్‌ కాకుండా కొత్తగా ఈ పాటను ట్యూన్‌ చేసినట్లుగా సమాచారం అందుతుంది. ఎన్టీఆర్‌ కథానాయకుడు చిత్రంలో అంటే ఎన్టీఆర్‌ మొదటి పార్ట్‌లో ఈ పాట ఉండబోతుంది.

ntr-sree-devi