Posted [relativedate] at [relativetime time_format=”H:i”]
‘అర్జున్‌ రెడ్డి’ చిత్రంతో ఒక్కసారిగా అందరి దృష్టిని ఆకర్షించిన దర్శకుడు సందీప్‌ రెడ్డి వంగా. ఈయన ప్రస్తుతం శర్వానంద్‌ హీరోగా ఒక చిత్రాన్ని చేసేందుకు సన్నాహాలు చేస్తున్నాడు. ప్రస్తుతం స్క్రిప్ట్‌ వర్క్‌ జరుపుకుంటున్న చిత్రాన్ని త్వరలోనే సెట్స్‌ పైకి తీసుకు వెళ్లే ఆలోచనలో దర్శకుడు సందీప్‌ రెడ్డి ఉన్నాడు. ఇక ఈ ఇటీవలే సందీప్‌ రెడ్డి శర్వానంద్‌తో కలిసి మెగాపవర్‌ స్టార్‌ రామ్‌ చరణ్‌ను కలవడం జరిగింది. ఈ సందర్బంగా ఒక ఫొటోను తీసుకుని సోషల్‌ మీడియాలో పోస్ట్‌ చేశాడు. ఆ ఫొటో కాస్త వైరల్‌ అయ్యింది. సందీప్‌ రెడ్డి దర్శకత్వంలో చరణ్‌ మూవీ ఉంటుందని కొంత కాలంగా వార్తలు వస్తున్నాయి. తాజా ఫొటో ఆ వార్తలకు ఆజ్యం పోసినట్లు అయ్యింది. తాజాగా మరోసారి చరణ్‌, సందీప్‌ రెడ్డిల మూవీపై వార్తలు గుప్పుమంటున్నాయి.
చరణ్‌ అర్జున్‌రెడ్డి మూవీ అంటూ వస్తున్న వార్తలపై మెగా ఫ్యామిలీ నుండి ఒక క్లారిటీ వచ్చింది. శర్వానంద్‌కు చరణ్‌తో మంచి స్నేహం ఉంది. ఆ స్నేహంతోనే చరణ్‌ను శర్వానంద్‌ తన తర్వాత చిత్ర దర్శకుడు సందీప్‌ రెడ్డితో కలవడం జరిగింది. ఆ సమయంలో చరణ్‌కు తమ సినిమా స్టోరీలైన్‌ను చెప్పి ఆశీస్సులు తీసుకున్నారు. అలాగే సినిమా ప్రారంభోత్సవంకు హాజరు అవ్వాల్సిందిగా కోరడం జరిగింది. అంతే తప్ప చరణ్‌తో సందీప్‌ రెడ్డి మూవీ లేదు అని, ఇప్పట్లో చరణ్‌కు అలాంటి ఆలోచన లేదు అంటూ మెగా సన్నిహితుల నుండి క్లారిటీ వచ్చేసింది. ప్రస్తుతం చరణ్‌ ‘రంగస్థలం’ చిత్రాన్ని చేసే పనిలో ఉన్నాడు. ఆ తర్వాత బోయపాటి శ్రీను దర్శకత్వంలో ఒక చిత్రాన్ని చేస్తాడు. ఆ వెంటనే రాజమౌళి దర్శకత్వంలో ఎన్టీఆర్‌తో కలిసి సినిమాను చేయబోతున్నాడు. ఇలా 2020 వరకు చరణ్‌ డైరీ ఫుల్‌గా ఉంది. అందుకే సందీప్‌ రెడ్డితో సినిమా లేదని తేలిపోయింది.
