Posted [relativedate] at [relativetime time_format=”H:i”]
నాగశౌర్య హీరోగా వెంకీ కుడుముల దర్శకత్వంలో వచ్చిన ‘ఛలో’ చిత్రం మంచి విజయాన్ని సొంతం చేసుకుంది. ఆ చిత్రం విజయంలో హీరోయిన్‌ రష్మిక కీలక పాత్ర పోషించిందనడంలో ఎలాంటి అతిశయోక్తి లేదు. రష్మిక మందన నటనకు మంచి మార్కులు పడ్డాయి. మొదటి సినిమాతోనే అందరి దృష్టిని ఆకర్షించిన రష్మికకు మైండ్‌ బ్లోయింగ్‌ ఆఫర్‌ తలుపు తట్టబోతున్నట్లుగా పుకార్లు షికార్లు చేస్తున్నాయి. మెగా, నందమూరి మల్టీస్టారర్‌ చిత్రంలో రష్మికను ఒక హీరోయిన్‌గా ఎంపిక చేసేందుకు జక్కన్న ఆలోచిస్తున్నట్లుగా తెలుస్తోంది. తన సినిమాలోని పాత్రలకు అద్దినట్లుగా ఉండేలా నటీనటులను ఎంపిక చేసుకునే జక్కన్న ఒక హీరోయిన్‌ పాత్రకు రష్మిక అయితే బాగుంటుందని భావిస్తున్నట్లుగా సినీ వర్గాల నుండి సమాచారం అందుతుంది.
రామ్‌ చరణ్‌, ఎన్టీఆర్‌లకు జోడీగా రాశిఖన్నా, రకుల్‌ ప్రీత్‌ సింగ్‌, సమంత వంటి స్టార్‌ హీరోయిన్స్‌లో ఇద్దరిని ఎంపిక చేసే అవకాశం ఉందని నిన్న మొన్నటి వరకు సోషల్‌ మీడియాలో పుకార్లు చక్కర్లు కొట్టాయి. తాజాగా మాత్రం జక్కన్న దృష్టి రష్మికపై ఉందంటూ ప్రచారం జరుగుతుంది. జక్కన్న వంటి దిగ్గజ దర్శకుడి సినిమాలో అది కూడా ఎన్టీఆర్‌, రామ్‌ చరణ్‌ వంటి ఇండస్ట్రీ టాప్‌ హీరోల సినిమాలో ఒక చిన్న పాత్ర చేసినా కూడా భారీ క్రేజ్‌ రావడం ఖాయం. అలాంటిది రష్మికకు ఒక్క సినిమాతోనే అంతటి ప్రతిష్టాత్మక చిత్రంలో హీరోయిన్‌గా ఛాన్స్‌ రావడం మైండ్‌ బ్లోయింగ్‌ ఆఫర్‌ అని చెప్పుకోవచ్చు. ఈ వార్తల్లో నిజం అయితే రష్మిక ఓవర్‌ నైట్‌లో స్టార్‌ అయిపోయినట్లే అంటూ విశ్లేషకులు అభిప్రాయం వ్యక్తం చేస్తున్నారు.
