టాలీవుడ్ రౌడీ హీరో విజయ్ దేవరకొండ , సీతారామం ఫేం మృణాల్‌ ఠాకూర్‌ జంటగా నటించిన మూవీ ‘ఫ్యామిలీ స్టార్’. గీతా గోవిందం పేం పరశురామ్‌ దర్శకుడు. ఫ్యామిలీ ఎంటర్‌టైనర్‌గా రూపుదిద్దుకున్న ఈ మూవీ ఏప్రిల్ 5వ తేదీన ప్రేక్షకుల ముందుకు రానుంది. ఈ నేపథ్యంలో చిత్రబృందం గురువారం రోజున ట్రైలర్‌ ని విడుదల చేసింది. ఈ ట్రైలర్ను చూసిన నేషనల్ క్రష్ రష్మిక మందన్న మూవీ టీమ్‌ని మెచ్చుకుంటూ ఎక్స్‌ (ట్విటర్‌)లో పోస్ట్‌ పెట్టింది. ఈ పోస్టులో పార్టీ లేదా అంటూ విజయ్ ని అడిగింది. దీనిపై విజయ్ క్యూట్గా రిప్లై ఇచ్చాడు.
‘‘నాకెంతో ఇష్టమైన విజయ్ దేవరకొండ, పరశురామ్‌.. ‘ఫ్యామిలీ స్టార్’తో మంచి విజయాన్ని అందుకోవాలని కోరుకుంటున్నా. ఏప్రిల్ 5వ తేదీ కోసం ఆతృతగా ఎదురుచూస్తున్నా. మీరు తప్పకుండా హిట్‌ కొడతారు. నాకు పార్టీ కావాలి!’’ అని అడిగింది. ఈ ట్వీట్పై విజయ్ దేవరకొండ స్పందిస్తూ ‘క్యూటెస్ట్’ అని రిప్లై కూడా ఇచ్చాడు. ఈ వేసవి సెలవుల్లో ప్రేక్షకులు తప్పకుండా ఎంజాయ్‌ చేసే మూవీ ఇది అని విజయ్ తెలిపాడు.
Cutest 🩷 https://t.co/I6ATSjqc6Q
— Vijay Deverakonda (@TheDeverakonda) March 28, 2024
