అజయ్ దేవగన్, మాధవన్, జ్యోతిక, జంకి బొడివాల ప్రధాన పాత్రల్లో, డైరెక్టర్ వికాస్ బాల్ దర్శకత్వంలో తెరకెక్కిన సూపర్ నాచురల్ హార్రర్ సినిమా సైతాన్. ఈ సినిమా థియేటర్ల లో రిలీజ్ అయ్యి ప్రేక్షకులను , అభిమానులను విశేషంగా ఆకట్టుకుంది. బాక్సాఫీస్ వద్ద 200 కోట్ల రూపాయలకు పైగా వసూళ్లు రాబట్టింది . ఈ మూవీ ఇప్పుడు డిజిటల్ ప్రీమియర్ గా మరోసారి ఆడియెన్స్ ని అలరించడానికి రెడీ అయిపోయింది.
ఈ మూవీ యొక్క డిజిటల్ హక్కులని ప్రముఖ ఓటిటి ప్లాట్ ఫామ్ అయిన నెట్ ఫ్లిక్స్ వాళ్ళు సొంతం చేసుకున్న సంగతి తెలిసిందే. నెట్ ఫ్లిక్స్ లో మే 4, 2024 నుండి స్ట్రీమింగ్ కు అందుబాటులో ఉండనుంది. ఇదే విషయాన్ని ఓటిటి ప్లాట్ ఫామ్ అధికారికంగా వెల్లడించడం జరిగింది. థియేట్రికల్ రిలీజ్ అయిన 57 రోజుల తర్వాత ఈ మూవీ ఓటిటి లోకి రానున్నది . జియో స్టూడియోస్, దేవగన్ ఫిల్మ్స్, పనోరమా స్టూడియోస్ బ్యానర్ల పై నిర్మించిన ఈ మూవీ కి అమిత్ త్రివేది సంగీతం అందించారు. డిజిటల్ ప్రీమియర్ గా ఈ మూవీ ఎలాంటి రెస్పాన్స్ ని సొంతం చేసుకుంటుందో చూడాలి.
