ఐపీఎల్ 2024 టోర్నమెంట్ లో భాగంగా బెంగళూరు రాయల్ చాలెంజర్స్ మరో ఓటమి చవిచూసింది. నిన్న ముంబై వేదికగా ముంబై ఇండియన్స్ వర్సెస్ బెంగళూరు మధ్య కీలక మ్యాచ్ జరిగింది. ఈ మ్యాచ్ లో ముంబై ఇండియన్స్ 7 వికెట్లు తేడాతో విజయం సాధించింది. మొదట బ్యాటింగ్ చేసిన ఆర్సిబి నిర్ణీత 20 ఓవర్లలో ఎనిమిది వికెట్లు కోల్పోయి 196 పరుగులు చేసింది.
డూప్లిసిస్, దినేష్ కార్తీక్ అద్భుతంగా ఆడటంతో ఆ మాత్రం స్కోర్ చేయగలిగింది. RCB అనంతరం బ్యాటింగ్కు దిగిన ముంబై ఇండియన్స్ మొదటి నుంచి దూకుడుగా ఆడింది. 15.3 ఓవర్లలో లక్ష్యాన్ని చేదించింది. సూర్య కుమార్ యాదవ్ 19 బంతుల్లో 52 పరుగులు చేసి చుక్కలు చూపించాడు. ఆ తర్వాత ఇషాన్ కిషన్ 69 పరుగులు రోహిత్ శర్మ 38 పరుగులు చేసి ఆదుకున్నారు. ఇక ఇందులో మ్యాన్ ఆఫ్ ద మ్యాచ్ బుమ్ర కు వచ్చింది.
