జ‌బ‌ర్‌ద‌స్త్‌తో పాపుల‌ర్ అయిన హాస్య న‌టులలో సుధీర్ ఒకరు. జబర్దస్త్ లో సుడిగాడి సుధీర్ పేరుతో చేసిన స్కిట్లు ప్రేక్ష‌కుల్ని బాగా న‌వ్వించాయి. ఈ షో తోనే సుధీర్ బాగా పాపుల‌ర్ అయ్యాడు. అయితే ఇంతకు ముందు ధనరాజ్, షకలక శంకర్ లాగా ఇప్పుడు హీరోగానూ మార‌బోతున్నాడు. సుధీర్ క‌థానాయ‌కుడిగా ‘సాఫ్ట్ వేర్ సుధీర్’ అనే సినిమా తెర‌కెక్కుతోంది.
ధ‌న్యా బాల‌కృష్ణ క‌థానాయిక‌గా న‌టిస్తోన్న ఆ సినిమాని రాజ‌శేఖ‌ర్‌రెడ్డి పులిచ‌ర్ల అనే అయన ద‌ర్శ‌కుడిగా ప‌రిచ‌యం అవుతున్నారు. జులైలో విడుద‌ల కానున్న ఆ సినిమా మీద అంచనాలు బానే ఉన్నాయి. జబర్దస్త్ టీమ్ నుంచి చాలామంది వెండి తెర‌పైకొచ్చారు. మ‌రి హీరోగా సుధీర్ సుడి ఎలా ఉందో చూడాలంటే ఈ సినిమా వ‌చ్చే వ‌ర‌కూ ఆగాలి. ”న‌న్ను హీరో అంటున్నారు గానీ, నేను క‌థ‌నే హీరో అనుకుంటున్నా. ఈ క‌థ చెబుతున్నంత సేపూ నేను న‌వ్వుతూనే ఉన్నా. అంత బాగా న‌చ్చింది. ప‌క్కింటి అబ్బాయిలాంటి ఇమేజ్ జ‌బ‌ర్ ద‌స్త్ షో ద్వారా నాకొచ్చింది. ఈ సినిమాలోనూ అలాంటి పాత్రే పోషిస్తున్నానని చెప్పుకొచ్చాడు సుడిగాలి సుధీర్