కరోనాతో దేశం అట్టుడుకుతోంది. ప్రజలంతా విలవిలలాడిపోతున్నారు. దీంతో అన్ని రంగాలు ఇళ్లకే పరిమితమైపోయాయి. ఇంట్లోంచి ఏ ఒక్కరూ బయటికి అడుగు పెట్టడం మానేశారు. ముఖ్యంగా లాక్ డౌన్ సినీ పరిశ్రమకు గట్టిగానే తాకింది. షూటింగ్స్ రద్దు అయ్యాయి.. వ్యాపారమంతా చతికిల పడింది. ఓ పక్క థియేటర్స్ బంద్ కావడం, సినీ స్టార్స్ ఇంటికే పరిమితం కావడం వంటివి గతంలో ఎన్నడూ ఇన్ని రోజులు కాని పరిస్థితి. అయితే సెలబ్స్ అంతా ఇంట్లో ఉండి నచ్చిన పనులు చేసుకొంటున్నారు.
అందుకు సంబంధించిన ఫోటోలు, వీడియోలని సోషల్ మీడియాలో షేర్ చేస్తున్నారు. సూపర్ స్టార్ మహేష్ ఇంట్లో ఉండి చేస్తున్న పనులని ఎప్పటికప్పుడు అభిమానులకు షేర్ చేస్తున్నారు. సూపర్ స్టార్ మహేష్ బాబు.. ఫ్యామిలీకి టైం కేటాయించడంలో ముందుంటారనేది తెలిసి విషయమే. కానీ సినిమాలతో నిత్యం బిజీగా ఉంటూనే ఫ్యామిలీకి సమయం కేటాయించి గడుపుతుంటారు. మిస్టర్ పర్ఫెక్ట్ ఫ్యామిలీ మెన్ గా గుర్తింపు కూడా తెచ్చుకున్నారు మహేష్ బాబు. అయితే ఈ లాక్ డౌన్ సమయంలో పిల్లలతో కలిసి ఎంజాయ్ చేస్తున్నారు మహేష్.
తాజాగా కుమారుడు గౌతమ్ తో కలిసి గేమ్స్ ఆడుతూ.. దర్శనమిచ్చిన మహేష్.. ఇప్పుడు కూతురుతో హెడ్ మసాజ్ చేయించుకుంటూ కనిపించాడు. సితార మహేష్ కు హెడ్ మసాజ్ చేస్తున్న ఫోటోను మహేష్ సతీమణి నమృత సోషల్ మీడియా ద్వారా అభిమానులకు షేర్ చేసింది. ఈ ఫోటోను షేర్ చేస్తూ.. గౌతమ్ తన గేమ్ తాను ఆడకుంటూ ఉన్నాడు. మహేష్ హెడ్ మసాజ్ వాలంటీర్ అయ్యాడు అని అందులో పేర్కొంది. 2 నిమిషాలలో హెడ్ మసాజ్‌ని సితార పూర్తి చేయగా.. ఇదే చివరిసారని మహేష్ పేర్కొన్నారని కూడా నమ్రత తన ఇన్‌స్టాగ్రామ్ ద్వారా తెలిపడం విశేషం.