దేవీ నవరాత్రుల కోసం దుర్గామాత విగ్రహాలు తయారు చేసి రోడ్డు పక్కన ఉంచారు. శుక్రవారం ఉదయం చూసే సరికి విగ్రహాలు ధ్వంసమై కనిపించాయి. దీంతో షాక్ తిన్న తయారీదారులు పోలీసులకు ఫిర్యాదు చేశారు. దాదాపు 150 అమ్మవారి విగ్రహాలకు చేతుల్ని దుండగులు ధ్వంసం చేశారు. విగ్రహాలు ధ్వసం చేశారని తెలియడంతో గ్రామంలో హిందూ సంఘాల ఆందోళకు దిగాయి.దుర్గామాత విగ్రహాలు ధ్వంసం చేయడం కలకలంరేపింది. ఇటు ఘటనా ప్రాంతాన్ని వైసీపీ,టీడీపీ, బీజేపీ నేతలు పరిశీలించారు.
బాధితులకు అండగా ఉంటామని హామీ ఇచ్చారని.. దుండగులపై కఠిన చర్యలు తీసుకోవాలని డిమాండ్ చేస్తున్నారు. గతంలో కాకినాడ, చుట్టుపక్కల ప్రాంతాల్లో ఇలాంటి ఘటనలు ఎప్పుడూ జరగలేదు అంటున్నారు. మరోవైపు ఈ ఘటనపై కేసు నమోదు చేసిన పోలీసులు.. దర్యాప్తు ప్రారంభించారు. అర్థరాత్రి సమయంలో విగ్రహాలను ధ్వంసం చేసి ఉంటారని అనుమానిస్తున్నారు. దగ్గరలో ఉన్న సీసీ కెమెరా ఫుటేజ్‌ను పరిశీలించే పనిలో ఉన్నారు. ఇటు దసరా సందర్భంగా రూ.లక్షల్లో పెట్టుబడి పెట్టి విగ్రహాలు తయారు చేశామని తయారీదారులు బోరున విలపిస్తున్నారు.