సూపర్ స్టార్ మహేష్ బాబు నెక్స్ట్ సినిమా అయిన SSMB 29 కోసం యావత్ ప్రపంచమంతా కూడా ఇప్పటినుండే ఎంతో ఆసక్తికరంగా ఎదురు చూస్తోంది. తొలిసారిగా మహేష్ తో రాజమౌళి తెరకెక్కించనున్న ఈ భారీ ప్రతిష్టాత్మక పాన్ వరల్డ్ సినిమా గ్లోబ్ ట్రాటింగ్ యాక్షన్ అడ్వెంచరస్ డ్రామాగా రూపొందనుంది. శ్రీ దుర్గా ఆర్ట్స్ బ్యానర్ పై కేఎల్ నారాయణ అత్యంత భారీ వ్యయంతో నిర్మించనున్న ఈ సినిమా కి విజయేంద్ర ప్రసాద్ కథని అందిస్తుండగా కీరవాణి సంగీతం అందిస్తున్నారు.
విషయం ఏమిటంటే, ఇప్పటికే ఈ సినిమా లోని తన పాత్ర కోసం ఫిట్నెస్ పరంగా కసరత్తులు మొదలెట్టారు మహేష్. ఇటీవల జర్మనీ వెళ్లిన మహేష్, అతి త్వరలో ఇండియాకి తిరిగిరానున్నారని, అనంతరం మూడు యాడ్ షూట్స్ లో పాల్గొని, ఆ తరువాతనే SSMB 29 సినిమా లోకి ఎంట్రీ ఇస్తారని తెలుస్తోంది. అయితే పక్కాగా ఈ సినిమా యొక్క అనౌన్స్ మెంట్ ఎప్పుడు వస్తుంది, ఎప్పుడు షూట్ మొదలెడతారు అనేదాని పై జక్కన్న అండ్ టీమ్ నుండి క్లారిటీ కూడా రావాల్సి ఉంది.
