‘టాక్సిక్ (Toxic) యశ్ హీరోగా రూపొందుతున్న ఈ చిత్రం ఇప్పటికే పలుమార్లు వాయిదా పడింది. తాజాగా ఓ ఇంటర్వ్యూలో యశ్ సినిమా విడుదలపై ఆసక్తికర విషయాలు వెల్లడించారు.
యశ్ మాట్లాడుతూ, “ఈ సినిమాను అంతర్జాతీయ స్థాయిలో రిలీజ్ చేయబోతున్నాం. అన్ని ప్రాంతాలను దృష్టిలో పెట్టుకుని విడుదల ప్రణాళికలు సిద్ధం చేస్తున్నాం. గ్లోబల్ గుర్తింపు కోసం తీసుకునే వ్యూహాత్మక నిర్ణయాలు మన దేశంలో సాధారణంగా పాటించే విడుదల విధానాలకు భిన్నంగా ఉంటాయి. అందుకే ‘టాక్సిక్’ విషయంలో మేం హాలీవుడ్ మోడల్ను అనుసరిస్తున్నాం” అని తెలిపారు.
ఇంకా మాట్లాడుతూ, “ముందుగా సినిమాను పూర్తిగా సిద్ధం చేసి, ఆ తర్వాతే డిస్ట్రిబ్యూషన్ గురించి మాట్లాడతాం. ప్రస్తుతం నా ఫోకస్ మొత్తం రిలీజ్ ప్లానింగ్పైనే ఉంది. ఈ విధానం అభిమానులకు కాస్త భిన్నంగా అనిపించవచ్చు” అని అన్నారు.
ఈ చిత్రాన్ని Geetu Mohandas తెరకెక్కిస్తుండగా, ఇందులో Huma Qureshi కీలక పాత్రలో నటిస్తున్నారు. వెంకట్ కె. నారాయణతో కలిసి యశ్ ఈ సినిమాను నిర్మిస్తున్నారు. గ్లోబల్ టచ్తో వస్తున్న ‘టాక్సిక్’పై అంచనాలు రోజురోజుకీ పెరుగుతున్నాయి